Luqa 4:36 - Ṯarifiṯ 2020

³⁶ Qqimen marra iwḏan nni ḏehhcen nnan i wayawya: "Min iƹna manaya? Itʼamar uȓa ḏ jnun iƹeffanen s yijjen n ssulṭa ḏ ṯzemmar niṯni teffɣen."

Luqa 4:36 Referans Kwoze

Luqa 4:32

Qqimen yiwḏan nni tƹejjben ḏeg useȓmeḏ nnes minzi ɣares ssulṭa iy zi iseȓmaḏ.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.

Marqus 7:37

Tƹejjben aṭṭas nnan: "Marra min itegg ḏ aṣebḥan. Itarra ḥetta ḏ iḏehcuren tesȓan, ḥetta ḏ izeynunen ssawaȓen."

Marqus 1:27

Ḏehcen marra iwḏan nni nnan i wayawya: "Min iƹna manaya? Aseȓmeḏ-a ḏ jḏiḏ, ḏayes ssulṭa! Itʼamar uȓa ḏ jnun iƹeffanen, teggen-as array."

Matta 9:33

Wami isufeɣ Ƹisa jjenn nni, ibḏa uzeynun nni issawaȓ. Qqimen tƹejjben ȓɣaci nni nnan: "Ƹemmarṣ ma iwqeƹ manaya ḏi ṯmurṯ n Ayṯ-Israʼil."

Luqa 2:18

Marra wenni itsȓan itƹejjeb ḏeg wawaȓ nni iy ḏasen nnan imeksawen.