Luqa 4:35 - Ṯarifiṯ 2020

³⁵ Izeyyar-iṯ Ƹisa inna-as: "Stuk cek, ffeɣ zzayes!" Iseɣḍeȓ jjenn aryaz nni ɣar ṯmurṯ ḏi ȓwesṭ nsen ȓexddenni iffeɣ zzayes war ḏas iggi walu.

Luqa 4:35 Referans Kwoze

Luqa 4:41

Zeg waṭṭas n yiwḏan ƹaweḏ teffɣen jnun snekkaren ṯɣuyyeṯ qqaren-as qa cek ḏ Mmis n Arebbi." Walakin netta itzeyyar-iṯen, war ṯen itejji ca aḏ ssiwȓen minzi ssnen netta ḏ Lmasiḥ.

Luqa 4:39

Yuḏar aɣares isbedd ṯimessi ṯeffeɣ-it. Ḏeg umcan ṯekkar ṯebḏa tsexxar xasen.

Matta 8:26

Inna-asen Ƹisa: "Mayemmi teggwḏem qaƹ ammu? Lʼiman nwem ḏ uqlil." Ȓexddenni ikkar isbedd arriḥ ḏ ȓemwaj, yarsa ȓḥaȓ.

Lwaḥi 12:12

X manaya, fareḥ ay Ajenna, ḏ yinni ḏayes izeddɣen! Walakin ya tamara x imezḏaɣ n ȓbarr ḏ ȓebḥar! Ibȓis ihwa-d ɣarwem iɣḍeb aṭṭas, minzi issen ṯeqqim-as ḏrus n ȓweqṯ."

Luqa 11:22

Walakin meȓa ihjem xas wenni xas ijehḏen, ataf aṯ iɣȓeb aḏas ikkes marra ȓesnaḥ iy xef iƹewweȓ aḏas yawi agȓa nnes marra."

Luqa 9:42

Wami d iqarreb uḥenjir nni ɣar Ƹisa, iserjiji-ṯ jjenn nni iɣḍeȓ-iṯ ɣar ṯmurṯ. Isbedd Ƹisa jjenn nni aƹeffan, isgenfa aḥenjir nni yarri-ṯ i babas.

Luqa 9:39

Memmi ixeṭṭef-iṯ ijjen n jjenn, ḏeɣya isnekkar ṯɣuyyeṯ. Jjen nni iserjiji-ṯ aȓ d ɣa isufeɣ netta kuffu zeg uqemmum nnes, war ḏas irexxu ḥetta aȓ ṯ ɣa isala.

Luqa 8:24

Qarrben ɣares imeḥḍaren sfaqen-ṯ nnan-as: "A Lmuƹallim a Lmuƹallim, aqa neccin netmetta!" Ikkar Ƹisa isbedd arriḥ ḏ ȓemwaj ihedden ȓḥaȓ irsa.

Marqus 9:26

Isnekkar ṯɣuyyeṯ jjenn nni iserjiji aḥenjir nni aṭṭas ȓexddenni iffeɣ zzayes. Aḥenjir nni iḏweȓ axmi immuṯ, nnan aṭṭas n yiwḏan aqa immuṯ ṣafi.

Marqus 1:26

Iserjijay-iṯ jjenn nni aƹeffan iƹeyyeḍ s yijjen n ṯmijja ṯemɣar iffeɣ zzayes.

Matta 17:18

Ƹisa isbedd jjenn nni aƹeffan, iffeɣ zeg uḥenjir nni igenfa ḏi ṯsaƹƹat nni.

Marqus 4:39

Ikkar isbedd arriḥ inna-as i ȓebḥar: "Sqar, qḍeƹ ȓḥiss!" Uca ibedd arriḥ irsa ȓḥaȓ.

Luqa 4:23

Inna-asen Ƹisa: "Bȓa ccekk aḏayi ṯinim ȓmaƹna-ya: Cek ay aḍbib mȓi ṯeddawiḏ, iȓi ṯeddawiḏ ixef nnec. Aḏayi ṯinim ƹaweḏ qa min nesȓa iweqƹen ḏeg ubilaj n Kafernaḥum, ȓexxu manayenni egg-iṯ uȓa ḏanita ḏi ṯmurṯ nnec."