Luqa 23:31 - Ṯarifiṯ 2020

³¹ Meȓa iwḏan-a yina ggin manaya i ṯcejjarṯ ḏ ṯazeyzawṯ, min ḏas ɣa iweqƹen xmi ɣa ṯazeɣ?"

Luqa 23:31 Referans Kwoze

Yuḥanna 15:6

Meȓa can yijjen war iqqim ca ḏayi, ataf aḏ imenḍar ɣar barra amecnaw ikeccuḍen yuzɣen, aṯen smunen aṯen ggen ḏi ṯmessi aḏ cemḍen.

Matta 3:12

Ɣares ṯazzarṯ ḏeg ufus ḥima aḏ izuzzar ṯaffa nnes qaƹ, aḏ ismun ṯiḥebba n yirḏan aṯent igg ḏi ṯesrafṯ. Min war ineffƹen ca aṯ issecmeḍ ḏi ṯmessi iy war ixessin ƹemmarṣ."

Yahuḏa 1:12

Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.

Iƹibraniyen 6:8

Walakin meȓa ṯamurṯ nni ṯseɣmay-d ɣir isennanen ḏ ṯzeggwarṯ, ataf nettaṯ ḏ walu aqat ḏi lxaṭar aḏ twanƹeȓ, aȓ uneggaru at sḥarqen s ṯmessi.

Luqa 23:30

Aḏ bḏan aḏ inin i iḏurar wḍam-d xaneɣ, aḏ inin i ṯeƹrurin qbarent-id xaneɣ.

Luqa 23:32

Ƹaweḏ uwin-d ṯnayen nneɣni ḏ lmujrimin ḥima akiḏes twanɣen.