19 S ṣṣbar nwem ataf aḏ tnejmem.
Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.
Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.
Kenniw ṯessnem marra ȓemḥayen-a iy ṯseƹḏum ƹlaḥsab lʼiman nwem tawint-id ṣṣbar.
Ṯeṣbareḏ x min c weṣṣiɣ, s manaya ataf nec ac ḥmiɣ zi ṯsaƹƹat nni n ȓemḥayen iy d ɣa ihwan x marra ddunect-a ḥima imezḏaɣ n ṯmurṯ azzayes twajarrben.
War iǧi ɣir manaya waha, nfarreḥ neccin uȓa ḏi ȓemḥayen. Nessen belli ȓemḥayen-a tarwent-id ṣṣbar.
Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.
Wenni minxef yura aḏ itwaḥebbes, ataf aḏ itwaḥebbes. Wenni minxef yura aḏ itwaneɣ s ssif, ataf aḏ itwaneɣ s ssif. Ḏi lḥala nni itxeṣṣa ȓmuminin ṣṣaliḥin aḏ ṣbaren aḏ amnen.
Ḏi lḥala nni itxeṣṣa-yasen i ȓmuminin ṣṣaliḥin aḏ ṣbaren aḏ ggen array s ȓuṣiyaṯ n Arebbi aḏ amnen zi Ƹisa.
Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.
Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.
Walakin wenni ɣa iṣbaren ɣar uneggaru ataf aḏ injem.
Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.
Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.
Aḏ issiweḍ Siḏiṯneɣ uȓawen nwem ɣar ȓemḥibbeṯ n Arebbi, ƹaweḏ ɣar ṣṣbar n Lmasiḥ.
Lla, walakin meȓa ƹaḏ war ṯ nufi ca ataf aṯ nraja s ṣṣbar.
Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.
Cuf, marra min yurin ḏi Lkutub ḏi zman urin-ṯ bac azzayes neȓmeḏ neccin. Awaȓ n Arebbi itcejjaƹ-aneɣ, itawi-yaneɣ-d ṣṣbar ḥima aɣarneɣ yiȓi lʼamal.
Ṣṣbar-a itarew ḏayneɣ minzi ɣa neɣȓeb x ȓemḥayen. S ȓeɣȓab-a x ȓemḥayen itarew ḏayneɣ lʼamal.
U labud ṣṣbar-a aḏaywem ikemmeȓ ccɣeȓ nnes ḥima aḏ temɣarem aḏ tƹemmarem s lʼiman war ḏawem ṯneqqiṣ uȓa ḏ ijjen n ȓhajeṯ.
u ƹaweḏ arnim ȓeḥkam x yixef nwem ak ṯusna-ya nwem; u ƹaweḏ arnim ṭṭaƹa i Arebbi ak ȓeḥkam-a x yixef nwem;
