Luqa 21:12 - Ṯarifiṯ 2020

¹² Qbeȓ i marra manaya akenniw ṭṭfen, akenniw ƹeddben, akenniw sellmen i ṯemziḏawin nsen. Akenniw ḥebsen, akenniw jarren ɣar izeǧiḏen ḏ lḥukkam ƹlaḥsab isem inu.

Luqa 21:12 Referans Kwoze

1 Buṭrus 2:13

X ssabab n Siḏiṯneɣ ṭaƹeṯ i kuȓ lḥakem umi immuc ȓḥaqq nican aḏ iḥkem. Waxxa netta ḏ azeǧiḏ iteḥkamen x marra,

Ȓexḏayem 22:30

Ṯiwecca nnes, irezzu arrayes nni n ȓƹaskar aḏ issen mayemmi Ayṯ-Israʼil tahamen Bulus, iruḥ yumar arruyas n ȓfuqaha ḏ marra Jmaƹeṯ n lḥukkam n Ayṯ-Israʼil aḏ munen. Ȓexddenni isufeɣ-d Bulus yuwi-ṯ-iḏ ɣarsen isbedd-iṯ zzaṯsen.

Ȓexḏayem 9:4

Iwḍa ɣar ṯmurṯ, itesȓa i yijjen n ṯmijja ṯeqqar-as-d: "A Cawul a Cawul, mayemmi ḏayi tƹeddabeḏ?"

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ȓexḏayem 5:40

Sȓin yiwḏan nni ɣar Gamlil. Uwin-d arrusul ƹannen-asen aƹmuḏ nnan-asen: "Qa ƹemmarṣ aḏ tƹawḏem aḏ tessiwȓem ƹlaḥsab isem n Ƹisa." Ȓexddenni ḍeȓqen-asen.

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Matta 22:6

Inneɣni ṭṭfen ixeddamen n uzeǧiḏ ƹedden xasen nɣin-ṯen.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

Matta 24:8

Marra manaya aḏ yiȓi amecnaw ȓeḥriq amezwaru n ṯemɣarṯ itarwen.

Luqa 21:11

Aḏ iwqeƹ zzinzal imɣar ḏeg waṭṭas n imucan. Aḏ yiȓi jjuƹ ḏ ȓehȓacaṯ ḏ waṭṭas n ṯmesȓayin isaggwaḏen, ḏ lƹalamaṯ ḏ ṯimeqqranin ḏeg ujenna.

Yuḥanna 15:21

Niṯni teggen-awem manaya marra x ssabab n yisem inu minzi war ssinen ca wenni iy ḏayi d issekken.