Luqa 2:11 - Ṯarifiṯ 2020

¹¹ Ixȓeq-d nhara ḏeg ubilaj n Dawed wenni iy kenniw ɣa isnejmen, netta ḏ Siḏiṯneɣ Lmasiḥ.

Luqa 2:11 Referans Kwoze

Matta 1:21

Aqa aḏ d tejj ijjen n uḥenjir aṯ ṯsemmiḏ Ƹisa ȓaḥeqqac netta iy ɣa isnejmen ȓqum nnes zi ȓmuƹṣiyaṯ nsen."

Ȓexḏayem 2:36

Iwa kenniw itxeṣṣa aḏ tessnem marra Ayṯ-Israʼil mebȓa ccekk, qa Ƹisa-ya wanita iy ṯṣellbem iggi-ṯ Arebbi ḏ Siḏiṯneɣ ḏ Lmasiḥ."

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Luqa 1:43

Nhara ḏ nhar ḏ ameqqran i nec wami ɣari d tusa yemmas n Siḏi!

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

Ayṯ-Filippas 2:11

Aḏ iƹtaref kuȓ yiȓes aḏ yini x Ƹisa Lmasiḥ qa netta ḏ Siḏiṯneɣ azzayes isemɣar Arebbi Babaṯneɣ.

Yuḥanna 4:42

Nnan-as i ṯemɣarṯ nni neccin war ntimen ca ȓexxu ɣir ƹlaḥsab min ḏaneɣ ṯenniḏ cem, minzi issiweȓ akiḏneɣ s yixef nneɣ u neccin nessen belli ḏ ṣṣaḥ ḏ wa ig isenjamen ddunect.

Luqa 2:4

Igaƹƹeḏ Yusef zi ṯmurṯ n Ljalil zeg ubilaj n Naṣira iruḥ ɣar ṯmurṯ n Yahuḏiya ɣar ubilaj n Dawed wenni umi qqaren Bayt Laḥm minzi netta zi ddurriṯ n Dawed ḏ ȓeḥbab nnes.

Matta 1:16

Yaƹqub ijja-d Yusef aryaz n Maryam nettaṯ iy d ijjin Ƹisa ig itwasemman s Lmasiḥ.

1 Ayṯ-Kurinṯ 15:47

Bnaḏem amezwaru itwaṣenneƹ zeg ucaȓ n ṯmurṯ, bnaḏem wis ṯnayen yusa-d zeg ujenna.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

1 Yuḥanna 4:14

Iwa neccin neẓra ncehheḏ belli Babaṯneɣ issekk-d Mmis ḥima aḏ isenjem ddunect-a.

Yuḥanna 1:45

Filippas yufa ijjen qqaren-as Naṯnahil inna-as: "Nufa wenni iy xef yura Musa ḏi ccariƹa, mixef urin Lkutub n Lʼanbiya. Netta ḏ Ƹisa zeg ubilaj n Naṣira ḏ mmis n Yusef."

Ȓexḏayem 17:3

Isefham-iṯen isbeyyan-asen ddalil x mammec u labud Lmasiḥ aḏ itwaƹeddeb aḏ d ikkar zi ȓmewṯ. Inna-asen qa Ƹisa-ya iy zi kenniw tbeccareɣ netta s yixef nnes ḏ Lmasiḥ.

Ȓexḏayem 5:31

Irfeƹ-iṯ Arebbi aɣares iggi-ṯ x ufusi nnes bac aḏ iḥkem aḏ isenjem, aḏ yuc ttuba i Ayṯ-Israʼil aḏ iɣfar ȓmuƹṣiyaṯ nsen.

Yuḥanna 6:69

Qa neccin numen, nessen qa cek ḏ Lƹaḍim n Arebbi."

Yuḥanna 1:41

Ȓexddenni yufa umas Simƹan inna-as nufa Lmasiya. (Awaȓ-a Lmasiya ixes aḏ yini Lmasiḥ.)

Matta 16:20

Ȓexddenni Ƹisa iweṣṣa imeḥḍaren nnes inna-asen war qqarem i ḥadd belli nec ḏ Lmasiḥ.

Ayṯ-Kulus 2:6

Iḏen, mammec ṯqebȓem Ƹisa Lmasiḥ amenni iy ɣa ṯƹicem.

Ayṯ-Filippas 3:8

Ḏ ṣṣaḥ ḥessbeɣ ṯimesȓayin-a qaƹ ḏ ṯaxṣarṯ x ssabab n lqima ṯameqqrant bac aḏ ssneɣ Ƹisa Lmasiḥ netta ḏ Siḏi. X ssabab nnes iy xṣareɣ ṯimesȓayin-a qaƹin, ḥesbeɣ-ṯent ḏ zzbeȓ bac aḏ rebḥeɣ Ƹisa Lmasiḥ.

Yuḥanna 11:27

Ṯenna-as: "Wah a Siḏi. Nec umneɣ qa cek ḏ Lmasiḥ, cek ḏ Mmis n Arebbi, cek ḏ wenni iy d itasen ɣar ddunect."

Yuḥanna 7:41

Inneɣni nnan: "Netta ḏ Lmasiḥ." Walakin ȓebƹaḍ zzaysen nnan: "Ma aḏ d yas Lmasiḥ zi ṯmurṯ n Ljalil?

Luqa 2:26

Tuɣa netta ixbar-iṯ Arruḥ iqeddsen war itmetti ca aȓ ɣa iẓer Lmasiḥ n Siḏ Arebbi.

Luqa 1:69

Ismeḍhar-aneɣ-d wenni ḏeg iǧa jjheḏ iy ḏaneɣ ɣa isnejmen, yusa-d zi ddurriṯ n Dawed ȓƹabḏ n Arebbi.

Yuḥanna 4:25

Ṯenna-as ṯemɣarṯ nni: "Nec qa ssneɣ aḏ d yas Lmasiya, qqaren-as Lmasiḥ. Xmi d ɣa yas aḏaneɣ yini kuȓci."

Ȓexḏayem 13:23

Ṯumma zi ddurriṯ n Dawed issekk-d Arebbi Ƹisa ɣar Ayṯ-Israʼil iƹni wenni iy ṯen ɣa isnejmen, mammec ṯen iwƹeḏ zi qbeȓ.