Luqa 16:15 - Ṯarifiṯ 2020

¹⁵ Inna-asen Ƹisa: "Kenniw ḏ yinni iy irezzun aḏ ucen ȓḥaqq x yixef nsen zzaṯ i yiwḏan, walakin Arebbi issen min ɣarwem ḏeg wuȓawen nwem. Min itarran bnaḏem ɣares lqima, ataf manayenni ḏ aƹeffan aṭṭas ɣar Arebbi.

Luqa 16:15 Referans Kwoze

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

Ȓexḏayem 15:8

Arebbi ḏ netta ig issnen uȓ n bnaḏem, iseḍhar-d netta belli iqbeȓ-iṯen iƹni yuca-asen Arruḥ iqeddsen mammec ḏaneɣ ṯ yuca i neccin.

1 Buṭrus 3:4

Lla, zzin nkent itxeṣṣa aḏ yiȓi ɣar ḏaxeȓ nkent iƹni zzin nni itiȓin inuffar ḏeg wuȓ. Zzin-a war ifenni ca ƹemmarṣ, ɣares arruḥ mhedden ḏayes ttawaḍuƹ ḏ yijjen n ccan ḏ ameqqran zzaṯ i ṯiṭṭawin n Arebbi.

Luqa 11:39

Inna-as Siḏiṯneɣ: "Kenniw ifarrisiyen ṯsiriḏem ȓkas nwem ḏ ṭṭebsi nwem ɣar barra mliḥ, walakin ɣar ḏaxeȓ nwem ṯeccurem s ṭṭmaƹ ḏ ccarr.

Luqa 10:29

Walakin wenni itcerraḥen ccariƹa irezzu aḏ yuc ȓḥaqq x yixef nnes, inna-as i Ƹisa: "Min iƹna wajjar inu?"

Lwaḥi 2:23

Aḏ nɣeɣ ṯarwa nnes. Aḏ ssnen marra ṯijumaƹ n ȓmuminin belli ḏ nec ig itmeyyazen min ḏayes ḏi ȓaƹqeȓ ḏ wuȓ. Kuȓ ijjen zzaywem aḏas uceɣ ƹlaḥsab ȓexḏayem nnes.

1 Buṭrus 5:5

Ay iḥenjiren, kenniw ṭaƹeṯ ƹaweḏ i yinni iǧan ḏ imeqqranen. Swejḏeṯ ixef nwem marra kenniw s yijjen n array ak wayawya war ḏayes bu ttakebbur minzi

Ayṯ-Ruma 3:20

Falihaḏa, uȓa ḏ ijjen n bnaḏem war izemmar aḏ imeṣȓaḥ ak Arebbi s ȓexḏayem iy ḏayes ḏi ccariƹa; Lla, ccariƹa ṯesbeyyan-aneɣ-d min ṯeƹna ȓmuƹṣiyeṯ.

Yuḥanna 2:25

War iteḥḏiji bu ȓechuḏ x yiwḏan, netta iƹȓem x wuȓawen nsen.

Matta 23:5

Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.

Luqa 18:21

Inna-as uryaz nni: "Zeg wami iy ǧiɣ nec ḏ amezyan tweqqareɣ qaƹ manaya."

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

Ȓexḏayem 1:18

S tmenyaṯ nnes ig iṭṭef n lḥaram, iruḥ isɣa zzaysent ijjen n ṯmurṯ. Ḏinni iy iwḍa s jjheḏ x wuḏem nnes, idduqqez-as uƹeddis menḍaren-as-d marra waḏan nnes.

Luqa 20:47

Tetten ṯajjaȓin, smeḍharen-d ixef nsen tẓaǧan aṭṭas ḥima aḏ beyynen i yiwḏan belli niṯni ṣebḥen aṭṭas zaƹma. Yina, lḥisab nsen aḏ yiȓi iqṣeḥ aṭṭas!"

Luqa 20:20

Bḏan imseȓmaḏen nni n ccariƹa ḏ arruyas n ȓfuqaha ḥeṭṭan Ƹisa, rezzun aṯ ṭṭfen x can wawaȓen nnes ḥima aṯ sellmen i lḥakem ḏ ssulṭa nnes. Ruḥen ssekken-as i Ƹisa can yiwḏan sneƹmiȓen aqaṯen nican walakin niṯni ḏ ibergagen.

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Matta 6:5

Xmi ɣa ṯeẓẓaǧem, war tiȓim ca am lmunafiqin iy texsen aḏ ẓẓaǧen amen bedden ḏi ṯemziḏawin ḏ ṯɣemmura n znaqi ḥima aṯen ẓren yiwḏan. Aqa tesȓam ȓḥaqq: War ɣarsen itiȓi bu lʼajar.

Matta 6:2

Ƹlaḥsab manaya, xmi ɣa ṯṣeddqeḏ i can n yijjen, war zzayes tberraḥ ca ḏi ȓbuq amecnaw mammec teggen lmunafiqin ḏi ṯemziḏawin ḏ znaqi bac azzaysen semɣaren yiwḏan. Aqa tesȓam ȓḥaqq: War ɣarsen itiȓi bu lʼajar.

Yuḥanna 21:17

Inna-as Ƹisa wis ṯeȓt marraṯ: "A Simƹan a mmis n Yuḥanna, ma texseḏ-ayi?" Iqqes-as ȓḥaȓ i Buṭrus ȓaḥeqqac inna-as-ṯ wis ṯeȓt marraṯ, cek ma texseḏ-ayi? Inna-as: "A Siḏi, cek ṯessneḏ kuȓci. Ṯessneḏ qa nec texseɣ-c." Inna-as Ƹisa: "Secc iḥuȓiyen inu.

Luqa 18:9

Issiweȓ s ȓmaƹna-ya ak can yiwḏan tuɣa tarran ixef nsen nican, tḥeggaren inneɣni:

Luqa 18:14

Aḏawem iniɣ: Wenni ijemmƹen ḍḍariba iḏweȓ ɣar ṯeddarṯ nnes mliḥ imeṣȓaḥ ak Arebbi, afarrisi nni lla. Minzi wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran."

Ȓexḏayem 1:24

Ttaren-as i Arebbi nnan-as: "A Siḏi Arebbi qa cek ṯessneḏ min iǧan ḏeg wuȓawen n yiwḏan marra. Seḍhar-aneɣ-d wenni iy ṯixḍareḏ zi ṯnayen-a.

Ayṯ-Ruma 8:27

Ṯumma Arebbi netta itwaȓan min iǧan ḏeg wuȓawen n bnaḏem, issen min itexs Arruḥ iqeddsen. Liʼanna Arruḥ ƹlaḥsab ȓxaḍar n Arebbi itṭalab x ȓmuminin ṣṣaliḥin.