Luqa 12:52 - Ṯarifiṯ 2020

⁵² Ssa aȓ ṯsawent xemsa n yiwḏan aḏ menɣen ak wayawya ḏeg yijjen n ṯeddarṯ: ṯȓaṯa aḏ menɣen ak ṯnayen, ṯnayen aḏ menɣen ak ṯȓaṯa.

Luqa 12:52 Referans Kwoze

Ȓexḏayem 28:24

Ȓebƹaḍ zzaysen qtanƹen s min inna, ȓebƹaḍ zzaysen war uminen ca.

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Yuḥanna 9:16

Nnan ȓebƹaḍ n ifarrisiyen nni: "Bnaḏem nni war iǧi ca zi Arebbi minzi war iweqqar ca nhar n lƹibada." Walakin ȓebƹaḍ nneɣni nnan: "Lla, mammec bnaḏem ḏ lƹaṣi zaƹma aḏ igg lmuƹjizaṯ-a?" X manaya iwqeƹ lxilaf jarasen.

Luqa 12:51

Ma tfekkarem belli usiɣ-d aḏ ggeɣ ȓehna ḏi ddunect-a? Lla! Aḏawem iniɣ usiɣ-d aḏ ggeɣ amenɣi.

Luqa 12:53

Babas aḏ imneɣ ak mmis, mmis aḏ imneɣ ak babas. Yemmas aḏ temneɣ ak yeǧis, yeǧis aḏ temneɣ ak yemmas. Lalla aḏ temneɣ ak ṯesȓiṯ, ṯasȓiṯ aḏ temneɣ ak lallas."