Luqa 12:19 - Ṯarifiṯ 2020

¹⁹ Aḏ iniɣ i yixef inu: Ṣafi, ɣari aṭṭas n ȓxir iy ḏayi ɣa iqidden i waṭṭas n iseggwusa, aḏ qqimeɣ waha aḏ cceɣ aḏ sweɣ aḏ farḥeɣ!

Luqa 12:19 Referans Kwoze

1 Ayṯ-Kurinṯ 15:32

Nec meȓa ƹlaḥsab ṯimesȓayin n ddunect-a waha, mayemmi menɣeɣ ak ȓuḥuc ḏi ṯendint n Ufasus? Min ɣa rebḥeɣ? Imettinen, meȓa war d tnekkaren ca zi ȓmewṯ, i mayemmi? "Yallah a necceṯ a nesweṯ, qa ṯiwecca a nemmeṯ."

Yaƹqub 5:5

Kenniw tƹicem ḏi ddunect-a s ufelles ḏ ccehweṯ nwem. Ṯḏewȓem ṯṣaḥḥem ṯwejḏem am iyenduzen ḏi nhar nni iy ḏi ḏasen ɣa ɣarṣen.

Ayṯ-Filippas 3:19

Aneggaru nsen aḏ itwamḥa. Arebbi nsen netta ḏ aƹeddis nsen. Semɣaren ixef nsen s ȓefḍayeḥ nsen. Ȓaƹquȓaṯ nsen nnuɣen ḏi ṯmesȓayin n ddunect-a.

Lwaḥi 18:7

Mecḥaȓ ma ṯsemɣer ixef nnes, mecḥaȓ ma ṯƹic ḏi ccehweṯ nnes, anectenni iy t ɣa ṯƹeddbem, anectenni iy t ɣa ṯesxeyyqem. Liʼanna nettaṯ ṯeqqar ḏeg wuȓ nnes: Aqa qqimeɣ ḏa am lmalika, nec war ǧiɣ ca ḏ ṯajjaȓṯ, ƹemmarṣ aḏ ḥezneɣ.

1 Buṭrus 4:3

Iwa ṣafi, ṯejjiwnem zi min tuɣa tƹicem ƹlaḥsab min rezzun aḏ ggen lkuffar iƹni ȓeqbaḥeṯ ḏ ccehawaṯ ṯiƹeffanin ḏ waṭṭas n ccreb ḏ lfasad ḏ zzhu ḏ lƹibada n lʼaṣnam iƹiffen.

2 Timutawus 3:4

aḏ zzenzen ayṯmaṯsen, aḏ ggen ṯimesȓayin bȓa ȓaƹqeȓ, aḏ uffen s nfaxeṯ, aḏ ḥibben ccehweṯ nsen war tḥibbin ca Arebbi,

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

1 Timutawus 5:6

Walakin ṯenni itƹicen ḏi ccehweṯ waha, qa nettaṯ ṯemmuṯ waxxa ṯeddar.

Luqa 21:34

Ma ṯexsem aḏ teccem uȓ nwem? Ḥḍaṯ ixef nwem zi lmaddla n ssekra ḏ waṭṭas n ccreb ḏ ȓehmum n ddunect-a. Qa aḏ d yas Nhar nni aneggaru ƹlaɣafla am yijjen n ṯexcefṯ.

Luqa 16:19

"Cuf, tuɣa ijjen ḏ ttajar, netta itareḍ arruḍ iɣȓan kuȓ nhar itƹic ḏeg yijjen n nniƹmeṯ izehhu.

Luqa 12:18

Inna: Aḏ heḏmeɣ ixezzanen inu, aḏ bniɣ inneɣni ḏ jḏiḏ ḏ imeqqranen xasen, aḏaysen xemmȓeɣ marra ṯafeǧaḥṯ ḏ arzeq inu.