Luqa 11:42 - Ṯarifiṯ 2020

⁴² Ya ȓefḍiḥeṯ nwem a ȓḥizeb n ifarrisiyen! Ticcem ȓaƹcur uȓa x naƹnaƹ ḏ uwram ḏ marra ȓaƹcub, walakin war tehtimim ca zi ȓḥaqq ḏ ȓemḥibbeṯ n Arebbi. Lla, ixeṣṣa-awem aḏ tehtamem s manaya bȓa ma tettum ȓaƹcur.

Luqa 11:42 Referans Kwoze

Matta 23:23

Ya ȓefḍiḥeṯ nwem, ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Ticcem ȓaƹcur uȓa x naƹnaƹ ḏ uwram ḏ ȓcemmun, walakin war tehtimim ca min iǧan muhim qaƹ ḏi ccariƹa iƹni ȓḥaqq ḏ arraḥmeṯ ḏ lʼiman. Lla, itxeṣṣa-awem aḏ tehtamem s manaya bȓa ma tettum ȓaƹcur.

Luqa 18:12

Tẓummiɣ yumayen ḏi ssimana, tƹeccareɣ x marra min rebḥeɣ ḏ agȓa.

1 Yuḥanna 4:20

Wenni iqqaren qa nec texseɣ Arebbi netta itƹiffa umas, ataf netta ḏ bu-ixarriqen waha ig iǧa. Mayemmi? Wenni war itexsen ca umas ig iẓerr, ataf war izemmar ca aḏ ixes Arebbi iy war iẓerr ca.

Matta 23:27

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw amecnaw imeḍȓan ibeyyḍen s jjir. Tmeḍharen ṣebḥan ɣar barra, walakin niṯni ccuren ɣar ḏaxeȓ s yixsan ḏ marra min yareccan.

Yuḥanna 5:42

Ssneɣ-kenniw belli war ḏaywem bu ȓemḥibbeṯ n Arebbi.

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.