Luqa 11:29 - Ṯarifiṯ 2020

²⁹ Wami temzaḥamen ȓɣaci, ibḏa Ƹisa iqqar: "Iwḏan n ȓweqṯ-a ḏ iƹeffanen. Niṯni tettaren lƹalama ṯameqqrant walakin war ḏasen ticc illa ṯenni n nnabi Yunes.

Luqa 11:29 Referans Kwoze

Luqa 11:16

Inneɣni tettarren zzayes ijjen n lƹalama ḏ ṯameqqrant zeg ujenna bac aṯ jarrben.

1 Ayṯ-Kurinṯ 1:22

Niṯni israʼiliyen tettaren lmuƹjizaṯ, ḏ yinni war iǧin zi Ayṯ-Israʼil rezzun ȓefhameṯ,

Luqa 12:1

Ȓexddenni munen aṭṭas n uȓufaṯ n yiwḏan aȓ wami ḏewȓen ƹeffsen x wayawya. Ibḏa Ƹisa iqqar-asen i imeḥḍaren nnes: "Ḥḍam ixef nwem zi nnifaq n ȓḥizeb n ifarrisiyen iǧan am untun.

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Yuḥanna 6:30

Nnan-as: "Man lƹalama ṯameqqrant iy ɣa ṯeggeḏ at nẓer ḥima azzayek namen? Min ɣa ṯeggeḏ?

Yuḥanna 2:18

Kkaren israʼiliyen nnan-as: "Man lƹalama ṯameqqrant iy ɣa ṯeggeḏ bac aɣarec yiȓi ȓḥaqq aḏ teggeḏ manaya?"

Luqa 11:50

Ḥima iwḏan n ȓweqṯ-a aḏ twaƹaqben x marra iḏammen iy yuzzȓen zi lʼanbiya zeg wami ṯeǧa ddunect-a.

Luqa 9:41

Yarra xasen Ƹisa inna-asen: "A iwḏan n ȓweqṯ-a iy ḏi war iǧi bu lʼiman, a yinni iffɣen abriḏ! Mecḥaȓ iy kiḏwem ɣa qqimeɣ u mecḥaȓ ḏawem ɣa ṣbareɣ? Awi-yayi-d mmic ḏanita."

Marqus 8:38

Wenni xafi ɣa iƹeffaren nec niɣ aḏ iƹeffar x wawaȓ inu ḏi zman-a aƹeffan ixeddƹen Arebbi, ataf axas iƹeffar Mmis n bnaḏem xmi d ɣa yas s lƹaḍama n Babas ak lmalaʼikaṯ iqeddsen.

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?