Luqa 10:7 - Ṯarifiṯ 2020

⁷ Qqimem ḏi ṯeddarṯ nni, ccem swem zi min ɣarsen minzi wenni itbeccaren ɣares ȓḥaqq aḏ itxaȓes. War traḥem ca zi ṯeddarṯ ɣar ṯeddarṯ.

Luqa 10:7 Referans Kwoze

2 Timutawus 2:6

Afeǧaḥ ig itamaren ḏi ȓxeḏmeṯ u labud aḏ iysi ȓḥaqq nnes netta ḏ amezwaru zi ṯfeǧaḥṯ nni.

Ayṯ-Galaṭya 6:6

Fa wenni umi seȓmaḏen awaȓ n Arebbi, itxeṣṣa aḏ icarec netta ak wenni iseȓmaḏen zi marra min iǧan ḏ aṣebḥan.

Luqa 9:4

Xmi ɣa ṯaḏfem ɣar can ṯeddarṯ, qqimem ḏinni aȓ ɣa ṯuyurem ssenni.

Marqus 6:10

Inna-asen: "Mani ma ṯuḏfem ɣar can ṯeddarṯ, qqimem ḏinni aȓ ɣa ṯuyurem ssenni.

1 Timutawus 5:13

Ƹaweḏ aḏ dewȓent ḏ ṯimeƹgazin ggurent zi ṯaddarṯ ɣar ṯeddarṯ teggent farq-ccɣeȓ. Maci ḏ ṯimeƹgazin waha, tƹawaḏent ȓexburaṯ taḏfent ḏi ccɣuȓaṯ n midden qqarent ṯimesȓayin war itxeṣṣa ca aḏ twannant.

Ȓexḏayem 16:34

Yuwi-ṯen ɣar ṯeddarṯ nnes yuca-asen aḏ ccen. Ifareḥ netta ḏ marra ȓeḥbab nnes minzi umnen zi Arebbi.

Ȓexḏayem 16:15

Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ȓexḏayem 16:40

Wami ffɣen zi ȓeḥbes ruḥen ɣar ṯeddarṯ n Lidya. Ẓrin ḏinni ayṯmaṯsen cejjƹen-ṯen, ssenni uyuren.

Luqa 10:6

Meȓa iqbeȓ-kenniw bab n ṯeddarṯ nni, ataf akiḏes tiȓi lbaraka nwem. Meȓa war kenniw iqbiȓ ca, ataf war kiḏes tɣimi ca lbaraka nwem.