Iƹibraniyen 9:15 - Ṯarifiṯ 2020

¹⁵ Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

Iƹibraniyen 9:15 Referans Kwoze

Ayṯ-Ruma 8:30

Ṯumma yinni iy tuɣa izemmem zi qbeȓ, iȓaɣa-d xasen. Ṯumma yinni umi d iȓaɣa, isemṣȓaḥ-iṯen akiḏes. Ṯumma yinni isemṣȓaḥ akiḏes, yuca-asen amcan ḏi lƹaḍama nnes.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Iƹibraniyen 9:12

Yuḏef ijjen n ṯwaȓa u ṣafi ɣar Uxxam Amqeddes Aṭṭas. Netta war yuḏif ca s iḏammen n iɣayḏen niɣ ḏ iyenduzen; Lla, yuḏef s iḏammen nnes nniṯ ixeǧes xaneɣ lfidya bac a nenjem i ȓebda.

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

1 Timutawus 2:5

Liʼanna ḏinni ijjen n Arebbi waḥḏes ḏ yijjen lwasiṭ waḥḏes jar Arebbi ḏ yiwḏan iƹni aryaz-a ḏ Ƹisa Lmasiḥ.

Iƹibraniyen 12:24

Ṯqarrbem-d ɣar Ƹisa wenni itcafaƹen ḏayneɣ s yijjen n ȓƹaheḏ ḏ jḏiḏ. Ṯqarrbem-d kenniw ɣar iḏammen nnes itwaruccen iy qqaren ijjen n wawaȓ ḥsen zeg wenni n nnabi Habil.

Iƹibraniyen 7:22

Ṯjaǧiṯ nni n Arebbi ḏ nettaṯ ig yarrin Ƹisa aḏ iḍemmen ijjen n ȓƹaheḏ ḥsen zi ȓƹaheḏ nni aqḏim.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

Ayṯ-Ruma 5:6

Fa ḏi ȓweqṯ nni nican ṯenni tuɣa ixḍar Arebbi neccin war ɣarneɣ bu jjheḏ, immuṯ Lmasiḥ xaneɣ wami neƹṣa.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

Iƹibraniyen 6:13

Cuf, wami Arebbi iwƹeḏ Brahim x ȓƹaheḏ nni, ijjuǧ Arebbi aḏ icc ixef nnes. Mayemmi? Liʼanna war ḏinni ḥadd imɣar ktar zi Arebbi.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.

Iƹibraniyen 8:13

Wami issiweȓ Arebbi x yijjen n ȓƹaheḏ ḏ jḏiḏ, ṣafi wenni amezwaru isbeṭṭaȓ-iṯ. U wenni ig itwasbeṭṭaȓen ȓexxu iḏewweȓ ḏ aqḏim, ataf ḏeɣya aḏ itwakkes war itɣimi ca.

Titus 3:7

Ḥima a nwareṯ zzayes, aɣarneɣ yiȓi ijjen n lʼamal n ṯuḏarṯ ṯenni war ifennin ca liʼanna nmeṣȓaḥ ak Arebbi s arḍa nnes.

Titus 1:2

Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Matta 19:29

U marra yinni isemmḥen ḏi ṯuḏrin nsen niɣ ḏi ayṯmas niɣ ḏi suyṯmas niɣ ḏi babas ḏ yemmas niɣ ḏi ṯarwa nsen niɣ ḏeg imarjeƹiwen nsen x ssabab inu nec, ataf aɣarsen ṯiȓi miyya n ṯseqqar ktar, aḏ warṯen ṯuḏarṯ n ȓebda.

1 Yuḥanna 2:25

Minzi ḏaneɣ iwƹeḏ? Iwƹeḏ-aneɣ s ṯuḏarṯ n ȓebda n ȓebdaṯ.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

2 Ayṯ-Salunik 2:14

Aqa iȓaɣa-d xawem ƹlaḥsab i manaya s Lʼinjil iy netbeccar bac aḏ tcarcem ḏi lƹaḍama n Siḏiṯneɣ Ƹisa Lmasiḥ.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Iƹibraniyen 9:16

Cuf, ƹlaḥsab lwaṣiya labud aḏ d awin chada n lwafat n wenni iggin lwaṣiya.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

Ayṯ-Ruma 5:10

Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

Ayṯ-Ruma 5:8

Walakin neccin tuɣaneɣ ƹaḏ nƹeṣṣa Arebbi wami immuṯ xaneɣ Lmasiḥ. S manayenni isbeyyen-aneɣ-d Arebbi mecḥaȓ ḏaneɣ itexs.

Luqa 18:18

Isseqsa-ṯ ijjen zi lḥukkam n Ayṯ-Israʼil inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Marqus 10:17

Ƹisa wami iggur x ubriḏ, yusa-d ɣares ijjen itazzeȓ iwḍa x ifadden zzaṯes inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"

Matta 25:36

Ṯufim-ayi ḏ aƹaryan ṯeggim-ayi arruḍ. Ṯufim-ayi heȓceɣ ṯbeddem akiḏi. Ṯufim-ayi twaḥebbseɣ ṯeggim-d ɣari zziyara.

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Matta 22:3

Issekk ixeddamen nnes aḏ d ȓaɣan i yinni xef iƹareḍ ɣar umensi, walakin ugin aḏ d asen.

Luqa 22:20

Ammu ƹaweḏ menbaƹd i umensi iysi-d ȓkas inna-asen: "Ȓkas-a ḏ ȓƹaheḏ ḏ jḏiḏ iy kiḏwem teggeɣ s iḏammen inu aḏ azzȓen ƹlaḥsab kenniw."

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ayṯ-Galaṭya 3:20

Netta ḏ lwasiṭ waha, iƹni war ixeddem ca waḥḏes. Walakin Arebbi netta ig iǧan waḥḏes.

Iƹibraniyen 6:15

Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.