Iƹibraniyen 7:9 - Ṯarifiṯ 2020

⁹ Iwa nzemmar a nini Lawi netta s yixef nnes iy ikessi ȓaƹcur zeg yiwḏan, issekk-iṯ x ufus n Brahim ɣar Malikiṣadiq liʼanna Brahim netta ḏ jeddis ameqqran.

Iƹibraniyen 7:9 Referans Kwoze

Ayṯ-Ruma 5:12

Iḏen, ṯban-d ȓmuƹṣiyeṯ ɣar ddunect s yijjen n bnaḏem, iƹni Adam. S ȓmuƹṣiyeṯ nni iy ṯeǧa ȓmewṯ. Ssenni ṯnefreq ȓmewṯ x yiwḏan marra liʼanna iwḏan marra ƹṣan.

Iƹibraniyen 7:4

Iwa fekkareṯ netta mecḥaȓ ḏ ameqqran, waxxa ḏ jeddiṯneɣ ameqqran Brahim yuca-as ȓaƹcur, ƹecra ḏi miyya zi marra agȓa nni ig irbeḥ zeg izeǧiḏen nni!

Matta 7:8

Minzi marra wenni ɣa ittaren aḏas immuc. Wenni ɣa irzun aḏ yaf. Wenni ɣa isqerqben aḏas ṯnurzem ṯewwarṯ.

Iƹibraniyen 7:8

Ayṯ-Lawi ig ikessin ȓaƹcur iƹni niṯni ḏ iwḏan ƹadi tmettan. Walakin Malikiṣadiq ig iysin ȓaƹcur nni icehheḏ xas Lkitab belli netta iddar.

Iƹibraniyen 7:10

Mammec manaya? Wami Brahim imeȓqa ak Malikiṣadiq, tuɣa Lawi ƹaḏ ɣar ḏaxeȓ n ddat n Brahim iƹni jeddis ameqqran.