Iƹibraniyen 7:28 - Ṯarifiṯ 2020

²⁸ Liʼanna Ccariƹa n Musa tarra iryazen s ḍḍuƹef nsen aḏ iȓin ḏ ȓfuqaha imeqqranen. Walakin Arebbi s ṯjaǧiṯ nnes iy d yusin menbaƹd i Ccariƹa n Musa yarra Mmis ḏ ȓefqi ameqqran iḏweȓ netta bȓa ȓƹib qaƹ i ȓebda.

Iƹibraniyen 7:28 Referans Kwoze

Iƹibraniyen 2:10

Zi Arebbi iy tiȓint marra ṯimesȓayin-a u netta umi tiȓint. Ḏ Arebbi netta iy yarrin Ƹisa war ḏayes bu ȓƹib s ȓaƹḏab nni nnes ig xas iƹḏun ḥima Arebbi aḏ d yawi aṭṭas n ṯarwa ɣar lƹaḍama nnes. Ɣares ȓmaƹna manaya ȓaḥeqqac Ƹisa netta ḏ zzaƹim n usenjem n ṯarwa-ya.

Iƹibraniyen 7:21

Walakin Ƹisa yarri-ṯ Arebbi ḏ ȓefqi s yijjen n ṯjaǧiṯ wami ḏas inna:

Iƹibraniyen 1:2

Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.

Luqa 13:32

Inna-asen Ƹisa: "Ruḥeṯ inim-as i wuccen nni: Qa nec sufuɣeɣ jnun, sgenfayeɣ iwḏan nhara ḏ ṯiwecca. Ḏi nhar wis ṯeȓtiyyam aḏ kemmȓeɣ.

Iƹibraniyen 7:24

Walakin Ƹisa ȓxeḏmeṯ nnes n ȓefqi aḏ teqqim war twakkis ca liʼanna netta itduma i ȓebda.

Iƹibraniyen 7:3

War ɣares ntif lla babas lla yemmas lla ȓejḏuḏ nnes. War ɣares ntif amezwaru n ȓiyyam nnes uȓa ḏ aneggaru n ṯuḏarṯ nnes. Netta itcabbah ḏi Mmis n Arebbi, iddar am ȓefqi ameqqran i ȓebda.

Iƹibraniyen 5:5

Ammu uȓa ḏ Ƹisa war isemɣar ca ixef nnes aḏ ixḏem s lƹaḍama-ya iƹni ḏ ȓefqi ameqqran; Lla, inna-as Arebbi:

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Yuḥanna 19:30

Wami iqqas Ƹisa aman nni, inna: "Itwakemmeȓ!" Isaḏar azeǧif nnes, isellem buḥbeȓ nnes.

Iƹibraniyen 4:14

Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.