Iƹibraniyen 7:1 - Ṯarifiṯ 2020

¹ Cuf, Malikiṣadiq nni tuɣaṯ netta ḏ azeǧiḏ n ṯendint n Salim ḏ ȓefqi n Siḏi Arebbi Yuƹȓan. Iruḥ imeȓqa ak Brahim ibarek-iṯ. Manaya iwqeƹ wami d itrewwaḥ Brahim zi ȓḥarb nni iy ḏi iɣȓeb izeǧiḏen.

Iƹibraniyen 7:1 Referans Kwoze

Iƹibraniyen 6:20

Ḏeg umcan nni yuḏef Ƹisa ḏinni ḏ amezwaru ƹlaḥsab neccin, iḏweȓ ḏ ȓefqi ameqqran i ȓebda amecnaw lfirqa nni n ȓefqi umi qqaren Malikiṣadiq.

Marqus 5:7

Indeq-d s yijjen n ṯmijja ṯejheḏ inna-as: "A Ƹisa a Mmis n Arebbi yuƹȓan, min ṯexseḏ zzayi? Tettareɣ zzayek i Arebbi ḥima war ḏayi tƹeddibeḏ ca!"

Ȓexḏayem 16:17

Tbaƹ-aneɣ-d neccin ḏ Bulus tƹeyyaḍ ṯeqqar qa iryazen-a ƹebbḏen Arebbi Yuƹȓan, tbeccaren-kenniw s ubriḏ iy zi ɣa ṯnejmem!

Iƹibraniyen 7:2

Yuca-as Brahim i Malikiṣadiq ȓaƹcur, ƹecra ḏi miyya zi marra. Ḏ amezwaru ȓmaƹna n yisem-a n Malikiṣadiq ixes aḏ yini U ƹaweḏ netta ḏ Lmalik n ṯendint n Salim iƹni ḏ azeǧiḏ n ȓehna.

Iƹibraniyen 7:3

War ɣares ntif lla babas lla yemmas lla ȓejḏuḏ nnes. War ɣares ntif amezwaru n ȓiyyam nnes uȓa ḏ aneggaru n ṯuḏarṯ nnes. Netta itcabbah ḏi Mmis n Arebbi, iddar am ȓefqi ameqqran i ȓebda.

Iƹibraniyen 7:6

Walakin aryaz-a Malikiṣadiq war iǧi ca zi Ayṯ-Lawi, iysi ȓaƹcur zi Brahim uca Malikiṣadiq ibarek Brahim wenni umi ɣar ǧan lwuƹud.