Iƹibraniyen 6:1 - Ṯarifiṯ 2020

¹ X manaya war netɣimiṯ ca ḏi ttaƹlim-a amezwaru x Lmasiḥ, a nuyureṯ ɣar zzaṯ bac a nemɣar. War ntaƹqib ca ɣar dsas. Iƹni war nessawaȓ ca ƹaḏ x ttuba nni n ssayiʼaṯ, niɣ x mammec ɣa negg a namen zi Arebbi,

Iƹibraniyen 6:1 Referans Kwoze

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Iƹibraniyen 12:13

Seggḏeṯ ibriḏen nwem nican bac iḍaren nwem izeḥḥafen war tɣimin ca ḏ ineƹḏam aḏ genfan.

Matta 21:32

Ȓaḥeqqac yusa-d ɣarwem Yaḥya iseḍhar-awem-d abriḏ n ȓḥaqq, war zzayes ṯuminem ca. Walakin iƹeccaren ḏ ṯemɣarin iffɣen abriḏ umnen zzayes. Kenniw ṯeẓrim manayenni, walakin war tubem ca ḥima azzayes ṯamnem."

Iƹibraniyen 7:11

Iḏen, maƹlik ccɣeȓ nni iy xeddmen ȓfuqaha n Ayṯ-Lawi war ḏas inqis walu, mayemmi ƹaḏ tuɣa ɣa neḥḏaj aḏ d yas ijjen n ȓefqi nneɣni amecnaw lfirqa n Malikiṣadiq, maci zi lfirqa nni ƹadi n Harun n Ayṯ-Lawi?

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Yuḥanna 12:44

Ƹisa itxaṭab s jjheḏ inna: "Wenni itamnen zzayi, maci itamen zzayi itamen zi wenni iy ḏayi d issekken.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Matta 3:2

Iqqar-asen: "Tubem, aqa yuḏes-d ȓmulk n ujenna."

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

2 Ayṯ-Kurinṯ 7:10

Cuf, axiyyeq zi Arebbi itarew-d ttuba, ttuba-ya ṯneddeh-ikenniw aḏ tnejmem war tejji bu ndameṯ. Axiyyeq zi ddunect-a lla, itarew-d ȓmewṯ.

2 Timutawus 2:19

Walakin dsas ijehḏen n Arebbi war itenhezzi ca, xas iy neqcent ṯira-ya qqarent qa Siḏi Arebbi qa issen iwḏan iǧan nnes. Qqarent ƹaweḏ qa marra yinni icehhḏen s yisem n Siḏiṯneɣ itxeṣṣa u labud aḏ beƹƹḏen x ccarr.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 11:18

Yinni iḥḍaren wami sȓin i wawaȓ-a, sqaren ḥemḏen Arebbi nnan: "Xyar, uȓa ḏ yinni war iǧin ca zi Ayṯ-Israʼil yuca-asen Arebbi ttuba aɣarsen ṯiȓi ṯuḏarṯ!"

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Yuḥanna 14:1

"Itxeṣṣa kenniw war txeyyiqen ca wuȓawen nwem. Amneṯ zi Arebbi, amneṯ ƹaweḏ zzayi.

Marqus 6:12

Kkaren niṯni ruḥen tḥeddaṯen i yiwḏan ḥima aḏ tuben.

Marqus 1:1

Amezwaru n Lʼinjil n Ƹisa Lmasiḥ Mmis n Arebbi.

Matta 4:17

Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

1 Yuḥanna 4:12

War ḏinni ḥadd ƹemmarṣ iẓra Arebbi. Walakin neccin meȓa ntexs ayawya ataf Arebbi izeddeɣ ḏayneɣ, ȓemḥibbeṯ nnes ṯejjiwen zzayneɣ.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

Yaƹqub 1:4

U labud ṣṣbar-a aḏaywem ikemmeȓ ccɣeȓ nnes ḥima aḏ temɣarem aḏ tƹemmarem s lʼiman war ḏawem ṯneqqiṣ uȓa ḏ ijjen n ȓhajeṯ.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

Ayṯ-Kulus 1:28

Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

Ayṯ-Ufasus 2:5

Iseddar-aneɣ-d ak Lmasiḥ waxxa neccin s wuȓawen nneɣ nemmuṯ ƹlaḥsab ȓmuƹṣiyaṯ nneɣ. Iwa s arḍa n Siḏi Arebbi iy zi nenjem.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

Ayṯ-Ufasus 2:1

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ddnub nwem.

1 Ayṯ-Kurinṯ 13:10

Min iǧan qaƹ ikmaȓ aḏ d iban ḏanita, ssenni min iǧan ḏ aneqṣi aḏ iweddar netta.

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Matta 7:25

Yuwṯa unẓar, ḥemȓen-d iɣezran, iṣuḍ-d arriḥ ijheḏ iƹḏu x ṯeddarṯ nni. Waxxa amenni war ṯewḍi ca ȓaḥeqqac ṯebna x dsas n uzru.

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

1 Timutawus 6:19

Amenni iy ɣa xemȓen agȓa i yixef nsen am yijjen n dsas ijehḏen i ṯuḏarṯ iy d ɣa yasen bac aḏ ṭṭfen mliḥ ḏi ṯuḏarṯ nni iy iǧan ḏ ṯuḏarṯ n ṣṣaḥ.

Luqa 6:48

Itcabbah ḏeg yijjen n uryaz ig ibennan ṯaddarṯ nnes, iɣza aṭṭas igga dsas x uzru. Wami d iḥmeȓ iɣzar iƹḏu x ṯeddarṯ nni, war izemmar at isenhezz minzi ṯebna mliḥ.

Matta 21:29

Indeq-d mmis inna-as: Lla, war traḥeɣ ca. Walakin menbaƹd cwayt indem, iruḥ ɣar umarjeƹ.

1 Ayṯ-Kurinṯ 2:6

Innama, neccin nessawaḍ ijjen n wawaȓ n ȓefhameṯ ɣar yinni war iqqimen ca ḏ imezyanen ḏi lʼiman nsen. Walakin ȓefhameṯ-a war d tis ca zi ȓweqṯ-a niɣ zi lḥukkam n ȓweqṯ-a ig igguren aḏ fnan.

Ayṯ-Kulus 3:14

Ktar marra zi ṯmesȓayin-a ṯina itxeṣṣa aḏ tesxeḏmem ȓemḥibbeṯ jarawem minzi ȓemḥibbeṯ-a tas-d am yijjen n usɣun ig ismunen marra ṯimesȓayin-a ḏeg yicten.