Iƹibraniyen 5:13 - Ṯarifiṯ 2020

¹³ Kuȓ ijjen ƹaḏ ḏ aseymi itƹic s uɣi waha, iƹni war ifehhem ca i useȓmeḏ x min iṣeȓḥen.

Iƹibraniyen 5:13 Referans Kwoze

1 Buṭrus 2:2

Iȓiṯ am iḥḍiḍen, sɣuyiweṯ x uɣi nni iṣfan n Arruḥ iqeddsen bac azzayes ṯemɣarem ḏi lʼiman nwem ig isenjamen.

1 Ayṯ-Kurinṯ 14:20

Lla ay ayṯma, war tfekkareṯ ca am iḥenjiren imezyanen. Iȓiṯ am iseyman ḏi ccarr; iȓiṯ am imeqqranen ƹlaḥsab ȓaƹqeȓ.

2 Timutawus 3:16

Aqa marra Ṯira Muqeddsin usint-id zi Arruḥ n Arebbi, neffƹent ḥima azzaysent nseȓmeḏ azzaysent nenha azzaysent nṣeḥḥeḥ azzaysent nrebba ƹlaḥsab ṣṣulḥ.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

1 Ayṯ-Kurinṯ 3:1

Ay ayṯma, nec tuɣa war zemmareɣ ca akiḏwem ssiwȓeɣ am yiwḏan iteggen array i Arruḥ n Arebbi. Lla, ssiwȓeɣ akiḏwem am yiwḏan ig iteggen array i nnefs nsen, am iseyman waha iy d ixeȓqen ḏi Lmasiḥ.

2 Ayṯ-Kurinṯ 3:9

Meȓa ɣares lƹaḍama ɣar ccariƹa nni iy tuɣa d itawin lḥisab ḏ lƹiqab, ataf ȓƹaheḏ-a iy d itawin ṣṣulḥ mecḥaȓ ṯemɣar lƹaḍama nnes ktar zi ṯenni nneɣni.

1 Ayṯ-Kurinṯ 13:11

Wami nec tuɣayi ḏ aseymi waha, amecnaw aseymi ssiwȓeɣ am netta, amecnaw aseymi tfekkareɣ am wanita, amecnaw aseymi war tmeyyizeɣ s lfikra. Nec wami ḏewȓeɣ ḏ aryaz baƹda, semḥeɣ ḏeg ibriḏen n useymi-ya.

Marqus 10:15

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Ayṯ-Ruma 2:20

ṯneṣṣḥeḏ yinni war issinen, ṯseȓmaḏeḏ imezyanen, liʼanna ɣarek ḏi ccariƹa n Musa marra ṯusna ḏ lḥaqiqa.

2 Yuḥanna 1:11

Ȓaḥeqqac wenni iy ḏas ɣa inin uȓa ḏ azul ataf icarrec akiḏes ḏi ȓefƹayeȓ nnes ṯiƹeffanin.