Iƹibraniyen 4:15 - Ṯarifiṯ 2020

¹⁵ Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

Iƹibraniyen 4:15 Referans Kwoze

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

1 Yuḥanna 3:5

Aqa ṯessnem belli Ƹisa Lmasiḥ netta imeḍhar-d bac axaneɣ ikkes ȓmuƹṣiyaṯ. U ȓmuƹṣiyeṯ netta war ḏayes ṯeǧi ca.

1 Buṭrus 2:22

Netta war iggi uȓa ḏ ijjen n ȓmuƹṣiyeṯ, war ḏas d ikki uȓa ḏ ij uxarriq zeg uqemmum nnes.

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

Iƹibraniyen 4:14

Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.

Iƹibraniyen 5:2

Izemmar netta aḏ iḥinn x yinni war ifehhmen ca ḏ yinni iffɣen abriḏ minzi netta s yixef nnes ḏayes ḍḍuƹef.

Yuḥanna 8:46

Min iƹna wenni izemmaren zzaywem aḏayi iṭṭef ȓmuƹṣiyeṯ? Meȓa qqareɣ ȓḥaqq, mayemmi war ḏayi timnem ca?

Luqa 22:28

Ḏ kenniw iy kiḏi iṣbaren ḏi ȓemḥayen inu.

Luqa 4:2

Ikka ḏinni arbeƹin yum itjerrab-iṯ Ibȓis. Ḏeg wussan nni war icci walu. Wami kemmȓen wussan nni iǧuz.

Matta 12:20

War itrezzi bu ɣanim imeyyȓen, war isexsay ṯfawṯ n ṯefṯiȓt iteggen ddexxan, aȓ ɣa irbeḥ ȓḥaqq.

Matta 4:1

Ssenni Arruḥ nni n Arebbi yuwi Ƹisa ɣar ȓexȓa ḥima aṯ ijarreb Ibȓis.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.