Iƹibraniyen 2:16 - Ṯarifiṯ 2020

¹⁶ Cuf, nessen belli Ƹisa war itƹiwin ca lmalaʼikaṯ: Lla, itƹawan ṯarwa n Brahim.

Iƹibraniyen 2:16 Referans Kwoze

Ayṯ-Galaṭya 3:29

Meȓa kenniw zi Lmasiḥ ataf kenniw ḏ ṯarwa n Brahim ɣarwem lwareṯ nni ƹlaḥsab minzi ṯ iwƹeḏ Siḏi Arebbi.

Ayṯ-Galaṭya 3:16

Amenni ƹaweḏ ȓƹaheḏ nni iƹni lwuƹud iy ḏas yuca Arebbi i Brahim ḏ wayyaw nnes. Lkitab war iqqar ca , iƹni aṭṭas iḏsen. Lla, iqqar , iƹni ijjen n bnaḏem u netta ḏ Lmasiḥ.

Iƹibraniyen 12:10

Cuf, lwalidin trebban-aneɣ ḏeg yijjen n ȓweqṯ, teggen mammec ḏasen itɣiȓ mliḥ. Walakin Arebbi itrebba-yaneɣ x nnfaƹ nneɣ bac a ncarec ḏi ṭṭabiƹa nnes iǧan ƹaḍim.

Iƹibraniyen 6:16

Liʼanna iwḏan tjuǧen s yijjen ḏ ameqqran zzaysen. U s yijjen n ṯjaǧiṯ aḏ ḥaqqen marra lqadiyaṯ nsen aḏ kemmȓent.

Ayṯ-Ruma 2:25

Cek meȓa ṯxeddmeḏ s min ḏayes ḏi ccariƹa, ataf ṭṭahareṯ nnec aḏ tiȓi ɣares arbeḥ. Walakin meȓa ṯƹeṣṣiḏ ccariƹa, ataf aḏ tiȓiḏ axmi war ṯeggiḏ ca ṭṭahareṯ.

1 Buṭrus 1:20

U netta itwaxḍar qbeȓ ma d twaxȓeq ddunect-a, walakin ismeḍhar-iṯ-iḏ Arebbi ḏi zman-a aneggaru x ssabab nwem.

Iƹibraniyen 2:15

U ƹaweḏ Ƹisa aḏ d iḍȓeq i yinni iǧan ḏ isemɣan zi ȓexȓuq iƹni yinni xasen ṯḥekkem ṯiggwḏi zi ȓmewṯ uca aḏ iȓin ḥurr.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.