Iƹibraniyen 2:15 - Ṯarifiṯ 2020

¹⁵ U ƹaweḏ Ƹisa aḏ d iḍȓeq i yinni iǧan ḏ isemɣan zi ȓexȓuq iƹni yinni xasen ṯḥekkem ṯiggwḏi zi ȓmewṯ uca aḏ iȓin ḥurr.

Iƹibraniyen 2:15 Referans Kwoze

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

2 Timutawus 1:7

Aqa Arebbi war ḏaneɣ yuci ca ijjen n arruḥ n ṯiggwḏi; Lla, qa yuca-aneɣ-d ijjen arruḥ n jjheḏ ḏ ȓemḥibbeṯ ḏ ȓeḥkam x yixef nneɣ s ȓaƹqeȓ.

2 Ayṯ-Kurinṯ 1:10

Isenjem-aneɣ-d zeg yijjen n ȓmewṯ ḏ ṯaƹeffant u netta ƹaḏ aqa isenjam-aneɣ. Ntegg ḏayes lʼamal nneɣ belli ƹaḏ aḏaneɣ isenjem wami kenniw ḏaneɣ tƹawanem s ṯẓaǧiṯ nwem. Ṯumma aṭṭas n yiwḏan aḏ sgaƹƹḏen ṣṣut nsen ɣar Arebbi aṯ cekkaren x lbaraka nni iy ḏaneɣ ɣa yuc xmi iy ɣa ṯestajeb aṭṭas n ṯẓaǧiṯ nsen xaneɣ.

Ayṯ-Ruma 8:21

Lʼamal, iƹni, belli marra min d itwaxeȓqen aḏ twafekken zi lfana n ȓmewṯ, aḏ carcen ḏi lḥurriya n lƹaḍama iy ɣarsen ɣar ṯarwa n Arebbi.

Ayṯ-Galaṭya 4:21

Inim-ayi kenniw itexsen axawem ṯḥekkem Ccariƹa n Musa. Ma war ṯessinem min ḏayes ḏi ccariƹa nni niɣ?

Iƹibraniyen 2:16

Cuf, nessen belli Ƹisa war itƹiwin ca lmalaʼikaṯ: Lla, itƹawan ṯarwa n Brahim.