Iƹibraniyen 2:1 - Ṯarifiṯ 2020

¹ X manaya labud a d narr ȓbaȓ nneɣ i min netsȓa bac war nteffeɣ ca abriḏ.

Iƹibraniyen 2:1 Referans Kwoze

Luqa 8:15

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am yiwḏan iy tesȓan i wawaȓ n Arebbi qebȓen-ṯ s wuȓ nsen aṣebḥan ḏ acemȓaȓ, ṣebbaren ḥima aḏ arwen.

2 Buṭrus 3:1

Ay imƹizzen inu, ṯabrat-a ḏ wis ṯnayen ȓexxu iy ḏawem d uriɣ. S ṯnayen iḏsent sfekkareɣ-kenniw tcejjaƹeɣ-kenniw s ȓaƹquȓaṯ nwem aḏ tiȓim ṯeṣfam.

2 Buṭrus 1:15

U nec labud aḏ ggeɣ marra lmejhud inu bac aḏ tzemmarem aḏ tƹeqȓem menbaƹd x ṯmesȓayin-a xmi ɣa ffɣeɣ nec zi ddunect-a.

Iƹibraniyen 12:5

Kenniw ṯettum awaȓ nni zi Lkitab iy kenniw ɣa icejjƹen, issawaȓen akiḏwem am ṯarwa nnes inna-awem:

Marqus 8:18

Ɣarwem ṯiṭṭawin, ma war twiȓim ca niɣ? Ɣarwem imejjunen, ma war tesȓim ca niɣ? Ma war ṯeƹqiȓem ca niɣ?

Matta 16:9

Ma ƹaḏ war ṯefhimem? War ṯeƹqiȓem xemsa nni n ṯecnifin ig iseccen xemsaȓaf n iryazen, mecḥaȓ n ṯeqrabin iy ṯeccurem?

Luqa 9:44

"Ṣennṭeṯ mliḥ i wawaȓ-a iy ḏawem ɣa iniɣ: Mmis n bnaḏem ƹȓayen aḏ itwasellem ɣar ifassen n yiwḏan."

Yuḥanna 8:59

Kkaren israʼiliyen nni ysin izra ḥima aṯ rejmen, walakin Ƹisa inesȓeṯ iffeɣ zi ṯemziḏa ṯameqqrant.