Iƹibraniyen 11:36 - Ṯarifiṯ 2020

³⁶ Ȓebƹaḍ n yiwḏan ḥeggaren-ṯen, uwṯin-ṯen s usɣun, carfen-ṯen s snaseȓ, ḥebbsen-ṯen.

Iƹibraniyen 11:36 Referans Kwoze

Iƹibraniyen 10:34

Liʼanna imeḥbas qqimen ḏaywem ḏeg wuȓ. Ƹaweḏ ṯeṣbarem s ȓefraḥeṯ wami ḏawem kksin agȓa nwem, tuɣa tessnem ƹaḏ aɣarwem yiȓi ijjen n wagȓa ḥsen zeg unneɣni, itduman.

Matta 23:34

X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint.

Lwaḥi 2:10

War teggweḏ ca zi mammec iy ɣa twaƹeddbeḏ. Aqa Ibȓis aḏ isiḏef ȓebƹaḍ zzaywem ɣar ȓeḥbes ḥima aḏ twajarrbem. Aḏ tseƹḏum ȓemḥayen ḏi ƹecrayyam. Arni ḏi lʼiman nnec waxxa ac nɣen, nec aḏac uceɣ ttaj n ṯuḏarṯ.

2 Timutawus 2:9

X Lʼinjil-a iy twaƹeddabeɣ nec qennen-ayi s snaseȓ am yijjen n lmujrim. Walakin awaȓen n Arebbi lla, war zemmaren aṯen qennen s snaseȓ.

2 Timutawus 1:16

Aḏ ibarek Siḏi Arebbi ȓeḥbab n umaṯneɣ Wanisfur, aṭṭas n ṯwaȓaṯin isertaḥ-ayi war iseḏḥi ca x snaseȓ inu.

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ȓexḏayem 24:27

Ƹḏun ṯnayen n iseggwusa, iḏweȓ-d Burkyus Fastus ḏeg umcan n Lwali Filikes. Walakin Filikes igga-asen ȓxaḍar i israʼiliyen, ijja Bulus ḏi ȓeḥbes.

Ȓexḏayem 21:33

Iqarreb arrayes nni ɣar Bulus iṭṭef-iṯ, yumar aṯ qqnen s ṯnayen n snaseȓ. Isseqsa xas inna-asen: Wanita min iƹna ḏ min igga?

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ȓexḏayem 5:40

Sȓin yiwḏan nni ɣar Gamlil. Uwin-d arrusul ƹannen-asen aƹmuḏ nnan-asen: "Qa ƹemmarṣ aḏ tƹawḏem aḏ tessiwȓem ƹlaḥsab isem n Ƹisa." Ȓexddenni ḍeȓqen-asen.

Ȓexḏayem 5:18

Ṭṭfen-ṯen ggin-ṯen ḏi ȓeḥbes.

Ȓexḏayem 4:3

Kkaren ṭṭfen Buṭrus ḏ Yuḥanna siḏfen-ṯen ḏi ȓeḥbes jjin-ṯen ḏinni aȓ ṯiwecca minzi iƹḏu ȓḥaȓ.

Luqa 23:36

Ƹaweḏ uȓa ḏ ȓƹaskar ḍeḥḥcen xas, qarrben ɣares ucin-as aman uḍiȓ ḏ isemmamen.

Luqa 23:11

Iḥeggar-iṯ Hirudus ḏ ȓƹaskar nnes ḍeḥḥcen xas. Igga xas aseȓham ḏ aṣebḥan, yarr-iṯ ɣar Bilaṭus.

Luqa 18:32

Aṯ sellmen i yinni war iǧin ca zi Ayṯ-Israʼil, axas ḍeḥcen, aṯ seḥqaren, axas ssusfen.

Marqus 10:34

Axas ḍeḥcen, axas ssusfen, aṯ uwṯen s usɣun, aṯ nɣen. Nhar wis ṯeȓtiyyam aḏ d ikkar zi ȓmewṯ."

Matta 27:26

Ssenni iḍȓeq-asen-d i Barabas. Ƹisa uwṯin-ṯ s usɣun, uca isellem-asen-ṯ Bilaṭus ḥima aṯ ṣellben x ṣṣalib.

Matta 21:35

Walakin min ggin ixemmasen nni? Ṭṭfen ixeddamen nnes, ijjen uwṯin-ṯ, ijjen nɣin-ṯ, ijjen rejmen-ṯ.

Matta 20:19

aṯ sellmen i yinni war iǧin ca zi Ayṯ-Israʼil. Axas ḍeḥcen, aṯ uwṯen s usɣun, aṯ ṣellben. Nhar wis ṯeȓtiyyam aḏ d itwasnekkar zi ȓmewṯ."

Ayṯ-Ufasus 3:1

X manaya terkaƹeɣ x ifadden inu, nec Bulus iy iǧan ḏ ameḥbus ƹlaḥsab Ƹisa Lmasiḥ u xawem kenniw iy war iǧin ca zi Ayṯ-Israʼil...