Iƹibraniyen 11:27 - Ṯarifiṯ 2020

²⁷ S lʼiman ikkar Musa iffeɣ zi Miṣra, war iggwiḏ ca zeg uɣḍab n uzeǧiḏ nni. Iṭṭef ḏi lʼiman nnes am yijjen itwaȓan Arebbi netta war izemmar aṯ iẓer ḥadd.

Iƹibraniyen 11:27 Referans Kwoze

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

2 Ayṯ-Kurinṯ 4:18

War nesrusi ca ṯiṭṭawin nneɣ ḏi min netwaȓa, nsrusa-ṯent ḏi min war netwiȓi ca. Liʼanna min netwaȓa ḏeɣya itraḥ, min war netwiȓi ca ḏ wenni ig itduman i ȓebda.

Iƹibraniyen 11:1

Fa lʼiman netta ḏ ijjen n ttiqeṯ ijehḏen ḏi min netraja, neccin metʼakkadin ḏi ṯmesȓayin waxxa war ṯent netwiȓi ca.

Yaƹqub 5:11

Aqa ṯessnem yinni iṣbaren nteḥsab-iṯen ɣarsen ssaƹḏ. Kenniw ṯesȓim x ṣṣbar nni n nnabi Ayub, ṯessnem mammec ṯ ibarek Siḏi Arebbi ḏeg uneggaru minzi Siḏi Arebbi netta ḏ aḥnin ḏ araḥim.

1 Buṭrus 1:8

Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.

Iƹibraniyen 10:32

Fa ƹeqȓeṯ x wussan nni iƹḏun wami xawem d iceƹceƹ nnur. Ṯeṣbarem x yijjen n umenɣi iqseḥ, ṯwajham aƹeddeb.

1 Timutawus 1:17

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

1 Ayṯ-Kurinṯ 13:7

War ṯfeṭṭaḥ ƹemmarṣ. Tamen cḥaȓ ma ṯekka. Ṯṣebbar x min ma iǧan. S lʼamal ȓebda tmenna.

Matta 10:22

Akenniw ƹiffen marra ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Iƹibraniyen 6:15

Iwa ammu wami iraja Brahim s yijjen n ṣṣbar yuweḍ-as-d min zi ṯ iwƹeḏ Arebbi.

1 Timutawus 6:16

Ḏ netta waḥḏes iy war itmettin ƹemmarṣ, izeddeɣ ḏeg yijjen n nnur iy war izemmar ḥadd aɣares d iqarreb iƹni wenni umi ƹemmarṣ war ṯ iẓri bnaḏem war izemmar aṯ iẓer. Ḏ netta iy ɣa yiȓi uweqqar ḏ jjheḏ i ȓebda. Amin.

Ȓexḏayem 2:25

Liʼanna issiweȓ xas nnabi Dawed ḏeg yijjen n zman wami inna: Qa twaȓiɣ Siḏi Arebbi zzaṯi i ȓebda, aqaṯ x ufusi inu bac war terjijiɣ.

Marqus 13:13

Akenniw ƹiffen marra iwḏan ƹlaḥsab isem inu, walakin wenni ɣa iṣbaren ɣar uneggaru ataf aḏ injem.

Marqus 4:17

Wami war uwṯin bu iẓewran mliḥ ḏeɣya tneqȓaƹen. Xmi d tasent can ȓemḥayen niɣ ḏ can uƹeddeb x ssabab n wawaȓ n Arebbi, ḏeɣya teffɣen abriḏ.

Matta 24:13

Walakin wenni ɣa iṣbaren ɣar uneggaru ataf aḏ injem.

Ayṯ-Kulus 1:15

Mmis netta ḏ ṣṣifeṯ n Arebbi wenni war nzemmar ca neccin aṯ nẓer. Netta ḏ amenzu iḥekkem x qaƹ min d itwaxeȓqen.