Iƹibraniyen 11:26 - Ṯarifiṯ 2020

²⁶ Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

Iƹibraniyen 11:26 Referans Kwoze

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Iƹibraniyen 10:35

Iḏen ejjeṯ ttiqeṯ nwem, nettaṯ aḏawem d ṯawi ijjen n lʼajar imɣar.

Lwaḥi 3:18

Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.

1 Buṭrus 4:14

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.

Iƹibraniyen 2:2

Cuf, Ccariƹa nni n Musa tuɣa uwint-tid lmalaʼikaṯ, tseyṭar xaneɣ tƹaqab-aneɣ iƹni meȓa neƹṣa niɣ meȓa war nṭiƹ ca.

2 Ayṯ-Kurinṯ 6:10

neccin netwazeyyar walakin ȓebda nfarreḥ; neccin ḏ ipubriṯen nserbaḥ aṭṭas n yiwḏan; war ɣarneɣ walu walakin ɣarneɣ kuȓci.

Luqa 14:14

Ssaƹḏ nnec ƹlaḥeqqac war ɣarsen minzi c ɣa xeǧsen. Ataf aḏac itwaxȓef ḏi Nhar nni xmi d ɣa kkaren zi ȓmewṯ yinni iǧan nican."

Matta 5:12

Ḍeḥceṯ, farḥeṯ. Aqa ɣarwem ijjen n lʼajar ḏ ameqqran ḏeg ujenna ȓaḥeqqac amenni iy twaƹeddben lʼanbiya tuɣa iǧan qbeȓ nwem.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

2 Ayṯ-Kurinṯ 12:10

S manaya ƹlaḥsab Lmasiḥ nec farrḥeɣ s ḍḍuƹef inu ḏ ṯukkwra ḏ tamara ḏ uƹeddeb ḏ uziyyar. Mayemmi? Meȓa ḍeƹfeɣ ȓexddenni nec aḏ iȓiɣ jehḏeɣ.

1 Buṭrus 1:11

Tuɣa rezzun xas bac aḏ ssnen meȓmi d ɣa imeḍhar usenjem-a ḏ ḍḍuruf nnes. Rezzun aḏ ssnen minxef issawaȓ Arruḥ n Lmasiḥ iy iǧan ḏaysen wami Arruḥ-a iƹȓem-asen zi qbeȓ mecḥaȓ iy ɣa itwaƹeddeb Lmasiḥ, ssenni mecḥaȓ iy ɣa itwasemɣar menbaƹd.

Iƹibraniyen 13:13

X manaya a nraḥ ɣar Ƹisa ɣar ȓeggwaj n iqiḍan a narbu aḥeggar nni iy xef iṣbar netta.

Iƹibraniyen 10:33

Ȓebƹaḍ n ṯwaȓaṯin tzebbaȓen-kenniw tƹeddaben-kenniw, iwḏan tfurrujen xawem. Ȓebƹaḍ n ṯwaȓaṯin tƹawanem yinni itwaƹeddaben tbeddam akiḏsen.

Ayṯ-Filippas 3:7

Walakin x ssabab n Lmasiḥ min ḏayi ineffƹen qbeȓ, ȓexxu ḥessbeɣ-ṯ ḏ ṯaxṣarṯ.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Matta 10:41

Wenni iqebbȓen can n nnabi ȓaḥeqqac issekk-iṯ-iḏ Arebbi, ataf aɣares yiȓi lʼajar amecnaw can n nnabi. Wenni iqebbȓen can n ȓmumen ȓaḥeqqac ḏ ȓmumen, ataf aɣares yiȓi lʼajar amecnaw can n ȓmumen.

Matta 6:1

Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

Luqa 14:33

Amenni ƹaweḏ war izemmar ca uȓa ḏ ijjen zzaywem aḏ yiȓi ḏ ameḥḍar inu illa meȓa ismeḥ ḏi marra min ɣares.