Ayṯ-Ruma 8:6 - Ṯarifiṯ 2020

⁶ Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.

Ayṯ-Ruma 8:6 Referans Kwoze

Ayṯ-Galaṭya 6:8

Wenni iy ɣa izerƹen min ṯexs ṭṭabiƹa ṯaƹeffant nnes azzayes imjar min ifennan. Wenni iy ɣa izerƹen min ixes Arruḥ iqeddsen azzayes imjar ṯuḏarṯ n ȓebda.

Ayṯ-Ruma 8:7

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Ayṯ-Ruma 6:21

Ḏi ȓweqṯ nni, ṯimesȓayin nni ma ḏaysent can nnfaƹ minzi ȓexxu tseḏḥam? Walu, liʼanna ṯimesȓayin nni tawint ɣar ȓmewṯ.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Ayṯ-Ruma 7:11

Liʼanna ȓmuƹṣiyeṯ ṯufa ḏayi lfurṣa s ȓuṣiyeṯ-a ṯecmeṯ-ayi u ƹaweḏ zzayes zi ȓuṣiyeṯ-a ṯneɣ-ayi.

Ayṯ-Ruma 5:10

Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Yuḥanna 17:5

Semɣar-ayi ȓexxu akiḏec a Baba s lƹaḍama nni tuɣa ɣari wami ǧiɣ akiḏec qbeȓ ma aḏ tiȓi ddunect.

Ayṯ-Ruma 8:27

Ṯumma Arebbi netta itwaȓan min iǧan ḏeg wuȓawen n bnaḏem, issen min itexs Arruḥ iqeddsen. Liʼanna Arruḥ ƹlaḥsab ȓxaḍar n Arebbi itṭalab x ȓmuminin ṣṣaliḥin.