Ayṯ-Ruma 8:26 - Ṯarifiṯ 2020

²⁶ Fa ammu Arruḥ iqeddsen itƹawan-aneɣ ḏi ḍḍuƹef nneɣ. Neccin war nessin ca mliḥ minxef ɣa neẓẓaǧ, walakin Arruḥ iqeddsen s yixef nnes itṭalab-as i Arebbi x ssabab nneɣ s unhak war itsemiƹen.

Ayṯ-Ruma 8:26 Referans Kwoze

Matta 10:20

War iǧi bu ḏ kenniw iy ɣa issiwȓen; Lla, ḏ Arruḥ n Babaṯwem iy ɣa issiwȓen ḏeg umcan nwem.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

Yuḥanna 14:16

Nec aḏ ttareɣ i Baba ḥima aḏawem yuc Lmuƹawin nneɣni ḥima akiḏwem itiȓi i ȓebda.

Ayṯ-Ufasus 2:18

Liʼanna s Lmasiḥ am neccin am kenniw nzemmar a nqarreb ɣar Arebbi Babaṯneɣ s yijjen n Arruḥ iqeddsen.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

Iƹibraniyen 4:15

Cuf, war ɣarneɣ bu ijjen n ȓefqi ameqqran netta war izemmar ca aḏ iḥess zi ḍḍuƹef nneɣ. Wah, ɣarneɣ ijjen ȓefqi kkint xas marra ȓemḥayen; netta am neccin walakin war iggi bu ȓmuƹṣiyeṯ.

Yaƹqub 4:3

Xmi ḏas tettarem war ḏawem d iticc ca, mayemmi? Liʼanna kenniw tɣalaṭem ḏi min ḏas tettarem, ṯexsem aḏ tseƹƹfem ccehawaṯ nwem u ṣafi.

Ayṯ-Ruma 15:1

Fa neccin ig ijehḏen itxeṣṣa-yaneɣ a narbu ḍḍuƹef n yinni war ijhiḏen ca, maci a negg min ḏaneɣ iteƹjiben i yixef nneɣ u ṣafi.

Luqa 22:44

Ixeyyeq wuȓ nnes yarni itẓaǧa ktar ƹaḏ, ṯiḏi nnes ṯehwa-d zzayes ɣar ṯmurṯ ṯegga am ṯneqqiḍin n iḏammen nican.

2 Ayṯ-Kurinṯ 5:4

Liʼanna xmi netɣemmas s ddat-a nneɣ, tbessaȓ xaneɣ neccin ƹaḏ nnehhek. Iwa war nrezzu ca a niȓi bȓa arruḍ, nrezzu a neɣmes s ddat nneɣ n ujenna, mayemmi? Bac min ifennan aṯ iseɣȓey min war itmettin.

2 Ayṯ-Kurinṯ 5:2

Ȓexxu neccin nnehhek ḏayneɣ mezȓi a neɣmes s ddat nneɣ n ujenna.

Matta 20:22

Indeq-d Ƹisa inna-asen i Yaƹqub ḏ Yuḥanna: "Kenniw war ṯessinem ca min ṯettarem. Ma ṯzemmarem aḏ teswem zi ȓkas nni iy zi ɣa sweɣ nec ƹȓayen?" Nnan-as: "Wah, nzemmar-as!"

Iƹibraniyen 5:2

Izemmar netta aḏ iḥinn x yinni war ifehhmen ca ḏ yinni iffɣen abriḏ minzi netta s yixef nnes ḏayes ḍḍuƹef.

Ayṯ-Ruma 7:24

Ya ȓefḍiḥeṯ inu nec! Wi ḏayi ɣa isnejmen zi ddat-a ṯanita n ȓmewṯ?