Ayṯ-Ruma 8:16 - Ṯarifiṯ 2020

¹⁶ Iƹni Arruḥ n Arebbi s yixef nnes ig iṣaḥḥen ḏi arruḥ nneɣ belli neccin ḏ ṯarwa n Arebbi.

Ayṯ-Ruma 8:16 Referans Kwoze

1 Yuḥanna 4:13

Mammec ɣa negg neccin a nessen belli netƹic ḏayes, netta izeddeɣ ḏayneɣ? Liʼanna yuca-aneɣ zi Arruḥ nnes.

2 Ayṯ-Kurinṯ 5:5

Wi ḏaneɣ iswejḏen i manayenni? Netta ḏ Arebbi, yuca-aneɣ-d Arruḥ nnes ḏ ijjen n ttesbiq.

Ayṯ-Ufasus 1:13

Ṯumma ismun-ikenniw-d ƹaweḏ ak Lmasiḥ wami ṯṣennṭem i wawaȓ n lḥaqiqa iƹni Lʼinjil iy zi ṯnejmem. Wami ṯumnem iḍbeƹ-ikenniw Arebbi s ṭṭabaƹ nnes iƹni s Arruḥ iqeddsen iy zi ḏaneɣ iwƹeḏ.

Ayṯ-Ruma 8:26

Fa ammu Arruḥ iqeddsen itƹawan-aneɣ ḏi ḍḍuƹef nneɣ. Neccin war nessin ca mliḥ minxef ɣa neẓẓaǧ, walakin Arruḥ iqeddsen s yixef nnes itṭalab-as i Arebbi x ssabab nneɣ s unhak war itsemiƹen.

Ayṯ-Ufasus 4:30

War sxeyyaqem ca Arruḥ iqeddsen n Arebbi iƹni wenni iy zi ṯetwaḍebƹem i Nhar nni iy ɣa ṯnejjmem.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

Ayṯ-Ruma 8:23

U maci niṯni waha, uȓa ḏ neccin umi immuc Arruḥ iqeddsen ḏ amezwaru nnehhek ḏeg yixef nneɣ. Ḏayneɣ mezȓi, neccin netraja zi Arebbi aḏ d isbeyyen belli neccin ḏ ṯarwa nnes, iƹni aḏ ifekk ddat nneɣ.

1 Yuḥanna 5:10

Wenni ɣa yamnen zi Mmis n Arebbi ataf aɣares ṯiȓi chaḏeṯ-a ḏeg wuȓ nnes. Wenni war yuminen ca zi chaḏeṯ-a n Arebbi ataf aṯ yarr ḏ bu-ixarriqen waha ȓaḥeqqac netta war yumin ca zi chaḏeṯ-a ig icheḏ ƹlaḥsab Mmis.

Matta 5:9

Ssaƹḏ nsen i yinni iṣeǧḥen iwḏan, aqa niṯni aṯen semman amecnaw ṯarwa n Arebbi.

Luqa 20:36

War zemmaren ca aḏ mmṯen, aḏ iȓin amecnaw lmalaʼikaṯ. Niṯni ḏ ṯarwa n Arebbi, xeȓqen-d ḏi Yum Lqiyama.

Yuḥanna 1:12

Yinni iy ṯ iqebȓen umnen zzayes zeg yisem nnes, yuca-asen netta ṯizemmar ḥima aḏ ḏewȓen ḏ ṯarwa n Arebbi.

Ȓexḏayem 5:32

X ṯmesȓayin-a ncehheḏ xasent neccin ḏ Arruḥ iqeddsen, Arruḥ-a yuci-ṯ Arebbi i yinni ḏas itṭaƹan."

Ayṯ-Ruma 8:14

U yinni iḏeffaren Arruḥ n Arebbi, ḏ yinni iy iǧan ḏ ṯarwa n Arebbi.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

Ayṯ-Ruma 9:8

Manaya ixes aḏ yini ṯarwa n Arebbi ḏ ṣṣaḥ twaḥessben zi ṯarwa n ȓƹaheḏ, maci zi ṯarwa n bnaḏem.

Ayṯ-Ruma 9:26

U ḏeg umcan nni wenni mani ḏasen inna Arebbi: Kenniw war ṯeǧim ca ḏ ccaƹb inu, ḏinni iy ḏasen ɣa ȓaɣan a ṯarwa n Arebbi iddaren.

2 Ayṯ-Kurinṯ 6:18

aḏ iȓiɣ ḏ babaṯwem, kenniw aḏ tiȓim ḏ ṯarwa inu ḏ yissi inu. Amenni iqqar Arebbi izemmaren i kuȓci.>

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

Ayṯ-Galaṭya 4:6

Wami ṯḏewȓem kenniw ḏ ṯarwa n Arebbi, issekk-d Arruḥ n Mmis yuḏef ḏeg wuȓawen nneɣ ɣar ḏaxeȓ itȓaɣa iqqar, a Baba a Baba inu!

1 Yuḥanna 3:1

Xzareṯ mecḥaȓ ḏ ṯameqqrant ȓemḥibbeṯ iy ḏaneɣ d yuca Babaṯneɣ wami netwasemma ḏ ṯarwa n Arebbi! U ḏ ṣṣaḥ ammu iy neǧa. Ddunect-a, mayemmi war ḏaneɣ ṯessin ca neccin? Ȓaḥeqqac uȓa ḏ netta war ṯ ṯessin ca.

1 Yuḥanna 3:2

Ay imƹizzen inu, ȓexxu neccin ḏ ṯarwa n Arebbi. Ƹaḏ war d tmeḍhar ca ṣṣifeṯ nneɣ mamc ɣa ṯiȓi, walakin nessen aḏ tiȓi am netta xmi d ɣa imeḍhar ȓaḥeqqac aṯ nẓer netta mamc iy iǧa.

1 Yuḥanna 3:10

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.

Lwaḥi 21:7

Wenni ɣa irebḥen aḏ iwareṯ ḏi ṯmesȓayin-a. Nec aḏ iȓiɣ ḏ Arebbi nnes, netta aḏ yiȓi ḏ mmi.