Ayṯ-Ruma 8:11 - Ṯarifiṯ 2020

¹¹ Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

Ayṯ-Ruma 8:11 Referans Kwoze

2 Ayṯ-Kurinṯ 4:14

Nessen wenni iy d isekkaren Siḏiṯneɣ Ƹisa netta ƹaweḏ aḏaneɣ d isekkar ak Ƹisa aḏaneɣ iseḥḍar akiḏwem zzaṯ nnes.

2 Ayṯ-Kurinṯ 4:11

Liʼanna neccin ig iddaren netwasellam ȓebda ɣar ȓmewṯ ƹlaḥsab Ƹisa ḥima ṯuḏarṯ n Ƹisa aḏ d tmeḍhar ḏi ddat nneɣ itmettan.

Ayṯ-Ruma 8:9

Amma kenniw, meȓa izeddeɣ ḏaywem Arruḥ n Arebbi, ataf aḏ tƹicem x ubriḏ n Arruḥ ataf war teggem array i ṭṭabiƹa ṯaƹeffant nwem. U wenni war ɣar iǧi Arruḥ n Lmasiḥ, war iǧi ca zi Lmasiḥ.

1 Ayṯ-Kurinṯ 6:14

Arebbi s jjheḏ nnes isekkar-d Siḏiṯneɣ zi ȓmewṯ, aḏaneɣ d isekkar zi ȓmewṯ uȓa ḏ neccin.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

Yuḥanna 5:21

Mammec d isnekkar Babas yinni immuṯen iticc-asen ṯuḏarṯ, uȓa ḏ Mmis iticc-asen ṯuḏarṯ i yinni ixes.

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ayṯ-Ufasus 2:5

Iseddar-aneɣ-d ak Lmasiḥ waxxa neccin s wuȓawen nneɣ nemmuṯ ƹlaḥsab ȓmuƹṣiyaṯ nneɣ. Iwa s arḍa n Siḏi Arebbi iy zi nenjem.

Lwaḥi 11:11

Wami ṯeƹḏu ṯeȓtiyyam ḏ uzyen nni, yuḏef ḏaysen ijjen n buḥbeȓ zi Arebbi ḏi ȓechuḏ-a, kkaren bedden x iḍaren nsen. Yinni ṯen iẓrin ṯuḏef ḏaysen ṯiggwḏi ḏ ṯameqqrant.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

Yuḥanna 14:17

Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Ayṯ-Kurinṯ 15:16

Cuf, maƹlik imettinen war d twasnekkaren ca, iȓi Lmasiḥ zaƹma war d itwasekkar ca uȓa ḏ netta.

Ayṯ-Ruma 6:12

Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes.

Iƹibraniyen 13:20

Arebbi ḏayes ȓehna, ḏ netta iy d yarrin Siḏiṯneɣ Ƹisa zeg imettinen s iḏammen n ȓƹaheḏ ig itduman i ȓebda, Ƹisa-ya ḏ Ameksa Ameqqran n iḥuȓiyen.

2 Ayṯ-Kurinṯ 5:4

Liʼanna xmi netɣemmas s ddat-a nneɣ, tbessaȓ xaneɣ neccin ƹaḏ nnehhek. Iwa war nrezzu ca a niȓi bȓa arruḍ, nrezzu a neɣmes s ddat nneɣ n ujenna, mayemmi? Bac min ifennan aṯ iseɣȓey min war itmettin.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Ruma 8:12

X manayenni ay ayṯma, itxeṣṣa-yaneɣ a negg lwajib, walakin maci ḥima a negg array i ṭṭabiƹa ṯaƹeffant nneɣ.

Ayṯ-Ruma 16:3

Siwḍem-asen sȓam i Priskila ḏ Wakilas, yinni akiḏi ixeddmen ḏi Ƹisa Lmasiḥ.

Ayṯ-Ruma 16:7

Siwḍem-asen sȓam i Andruni ḏ Yunyas ȓeḥbab inu, yinni tuɣa akiḏi ḏi ȓeḥbes. Niṯni maƹrufin jar arrusul, umnen zi Lmasiḥ qbeȓ ma aḏ amneɣ nec.

Ayṯ-Ruma 16:9

Siwḍem-asen sȓam i Urban wenni ixeddmen akiḏi ḏi Lmasiḥ ḏ umƹizz inu Staxis.

Ayṯ-Ruma 16:10

Siwḍem-as sȓam i Apilas wenni itwamellken ḏi Lmasiḥ. Siwḍem-asen sȓam ƹaweḏ i lƹaʼila n Aristubus.

Ayṯ-Galaṭya 6:8

Wenni iy ɣa izerƹen min ṯexs ṭṭabiƹa ṯaƹeffant nnes azzayes imjar min ifennan. Wenni iy ɣa izerƹen min ixes Arruḥ iqeddsen azzayes imjar ṯuḏarṯ n ȓebda.