Ayṯ-Ruma 7:22 - Ṯarifiṯ 2020

²² Liʼanna ḏi nnefs inu nec farḥeɣ s ccariƹa n Arebbi,

Ayṯ-Ruma 7:22 Referans Kwoze

Iƹibraniyen 8:10

Ḏ wanita ḏ ȓƹaheḏ iy ɣa ggeɣ ak Ayṯ-Israʼil menbaƹd i ȓweqṯ nni, iqqar-iṯ Siḏi Arebbi. Aḏasen siḏfeɣ ȓuṣiyaṯ inu ḏi ȓaƹquȓaṯ nsen, aɣarsen iȓint ḏ ṯira x wuȓawen nsen. Aḏ iȓiɣ ḏ Arebbi nsen aḏ iȓin ḏ ccaƹb inu.

2 Ayṯ-Kurinṯ 4:16

X manaya neccin war ntefciȓ ca. Waxxa ṭṭabiƹa n ddat nneɣ ɣar barra traḥ, ṭṭabiƹa nneɣ ɣar ḏaxeȓ tejhiḏ nhar x nhar.

Ayṯ-Ufasus 3:16

Tettareɣ i Arebbi zeg wagȓa nnes aƹḍim akenniw isejheḏ ḏi nnefs nwem s ufus n Arruḥ nnes

1 Buṭrus 3:4

Lla, zzin nkent itxeṣṣa aḏ yiȓi ɣar ḏaxeȓ nkent iƹni zzin nni itiȓin inuffar ḏeg wuȓ. Zzin-a war ifenni ca ƹemmarṣ, ɣares arruḥ mhedden ḏayes ttawaḍuƹ ḏ yijjen n ccan ḏ ameqqran zzaṯ i ṯiṭṭawin n Arebbi.

Ayṯ-Ruma 8:7

Aqa ȓxaḍar ixeddmen ḏi ṯmesȓayin n ṭṭabiƹa ṯaƹeffant n bnaḏem itƹarraḍ Arebbi. War iṭṭiƹi ca i ccariƹa n Arebbi, u ḏ ṣṣaḥ war izemmar ca.

Ayṯ-Kulus 3:9

War sxerriqem ca x wayawya ȓaḥeqqac ṯbeddȓem ṭṭabiƹa nni nwem tuɣa ɣarwem qbeȓ ḏayes ixarwiḍen waha.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Ayṯ-Ruma 2:29

Walakin aʼisraʼili iǧan ḏ ṣṣaḥ itiȓi ɣares manaya ɣar ḏaxeȓ. U ḏ ṭṭahareṯ n ṣṣaḥ tiȓi ḏeg wuȓ s Arruḥ n Arebbi, war iǧi bu s ccariƹa. Bnaḏem-a war ṯ tcekkaren ca yiwḏan, itcekkar-iṯ Arebbi.