Ayṯ-Ruma 5:9 - Ṯarifiṯ 2020

⁹ Iḏen, aqaneɣ bariʼin ȓexxu s iḏammen n Lmasiḥ, u labud zzayes iy ɣa nenjem zeg uɣḍab n Arebbi.

Ayṯ-Ruma 5:9 Referans Kwoze

1 Ayṯ-Salunik 1:10

Ḥima aḏ trajam Mmis iy d ɣa yasen zeg ujenna wenni iy d isekkar Arebbi zeg imettinen iƹni Ƹisa iy ḏaneɣ isenjamen zeg uɣḍab nni iy d ɣa yasen.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Ayṯ-Ufasus 2:13

Walakin wami ṯumnem zi Ƹisa Lmasiḥ, kenniw iy tuɣa ṯuggwjem aṭṭas zi Arebbi qbeȓ, ṣafi ȓexxu isqarreb-ikenniw-d ɣares s iḏammen n Lmasiḥ.

Yuḥanna 5:24

Aqa tesȓam ȓḥaqq: Wenni itsȓan i wawaȓ inu itamen zeg wenni ḏayi d issekken, aɣares ṯiȓi ṯuḏarṯ n ȓebda war itiḏef ca ḏi lƹiqab, netta aḏ imutti zi ȓmewṯ ɣar ṯuḏarṯ.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

Ayṯ-Ruma 1:18

Fa imeḍhar-d uɣḍab n Arebbi zeg ujenna x marra ccarr ḏ ȓbaṭeȓ iy teggen yiwḏan iƹni yinni itbeṭṭaȓen lḥaqiqa s ccarr nsen.

Iƹibraniyen 9:22

U ḏ ṣṣaḥ ƹlaḥsab Ccariƹa n Musa ƹȓayen marra ṯimesȓayin aḏ twassiṣfant s iḏammen. U bȓa ma aḏ azzȓen iḏammen ataf ȓmuƹṣiyaṯ war twaɣfirent ca.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

Ayṯ-Ruma 8:30

Ṯumma yinni iy tuɣa izemmem zi qbeȓ, iȓaɣa-d xasen. Ṯumma yinni umi d iȓaɣa, isemṣȓaḥ-iṯen akiḏes. Ṯumma yinni isemṣȓaḥ akiḏes, yuca-asen amcan ḏi lƹaḍama nnes.

1 Yuḥanna 1:7

Walakin meȓa neggur ḏi nnur mammec iǧa netta ḏi nnur, ataf ntemƹacar ak wayawya ataf iḏammen n Mmis Ƹisa ssiṣfan-aneɣ zi marra ȓmuƹṣiyaṯ.

Ayṯ-Ruma 5:10

Neccin nmeṣȓaḥ ak Arebbi s ȓmewṯ n Mmis wami tuɣaneɣ neccin ƹaḏ ḏ ȓƹaḏyan nnes. Ȓexxu wami kiḏes nmeṣȓaḥ, u labud zzayes iy ɣa nenjem s ṯuḏarṯ nnes!

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.