Ayṯ-Ruma 5:12 - Ṯarifiṯ 2020

¹² Iḏen, ṯban-d ȓmuƹṣiyeṯ ɣar ddunect s yijjen n bnaḏem, iƹni Adam. S ȓmuƹṣiyeṯ nni iy ṯeǧa ȓmewṯ. Ssenni ṯnefreq ȓmewṯ x yiwḏan marra liʼanna iwḏan marra ƹṣan.

Ayṯ-Ruma 5:12 Referans Kwoze

Ayṯ-Ruma 5:19

Liʼanna mammec iƹṣa Adam Arebbi yuwi-d ȓmuƹṣiyeṯ i waṭṭas n yiwḏan, amenni iṭaƹ Ƹisa i Arebbi ssenni meṣȓaḥen aṭṭas n yiwḏan ak Arebbi.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Yaƹqub 1:15

Ṯumma ccehweṯ-a wami ṯeysi aƹeddis ṯurew-d ȓmuƹṣiyeṯ, ṯumma ȓmuƹṣiyeṯ-a wami ṯemɣar ṯejja-d ȓmewṯ.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Yaƹqub 3:2

Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.

Ayṯ-Ruma 5:18

Iḏen ijjen n ȓmuƹṣiyeṯ ig igga ijjen n bnaḏem ṯuwi-d lḥisab ḏ lƹiqab i marra iwḏan. Amenni ijjen n baraʼa ig igga ijjen n bnaḏem yuwi-d ṣṣulḥ ḏ ṯuḏarṯ i marra iwḏan.

Ayṯ-Ruma 6:21

Ḏi ȓweqṯ nni, ṯimesȓayin nni ma ḏaysent can nnfaƹ minzi ȓexxu tseḏḥam? Walu, liʼanna ṯimesȓayin nni tawint ɣar ȓmewṯ.

1 Ayṯ-Kurinṯ 15:56

Aqa ȓmewṯ ṯiqqest nnes tas-d zi ȓmuƹṣiyeṯ. Qa ȓmuƹṣiyeṯ ṯizemmar nnes tas-d zi ccariƹa.

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.