Ayṯ-Ruma 3:21 - Ṯarifiṯ 2020

²¹ Fa ȓexxu Arebbi ismeḍhar-aneɣ-d mammec ɣa negg a nmeṣȓaḥ akiḏes bȓa ccariƹa. Manaya ṣaḥḥen-ṯ Lkutub n lʼanbiya ḏ ccariƹa n Musa niṯni s yixef nsen.

Ayṯ-Ruma 3:21 Referans Kwoze

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ayṯ-Filippas 3:9

Ḥima aḏayi afen ḏayes bȓa ca n ṣṣulḥ ak Arebbi iy d itasen zzayi nec waha ƹlaḥsab ccariƹa. Lla, ṣṣulḥ nni inu ak Arebbi itas-d s lʼiman inu zi Lmasiḥ, iƹni ṣṣulḥ nni itas-d zi Arebbi itas-d s lʼiman.

Ayṯ-Galaṭya 3:8

Zi qbeȓ ixbar-d Arebbi ḏi Lkitab aḏ ismeṣȓaḥ akiḏes s lʼiman yinni war iǧin ca zi Ayṯ-Israʼil. Ƹlaḥsab manayenni ibeccar zi qbeȓ Brahim s Lʼinjil inna-as qa aḏ twabarken marra ȓegnus x ssabab nnec.

Ayṯ-Ruma 5:19

Liʼanna mammec iƹṣa Adam Arebbi yuwi-d ȓmuƹṣiyeṯ i waṭṭas n yiwḏan, amenni iṭaƹ Ƹisa i Arebbi ssenni meṣȓaḥen aṭṭas n yiwḏan ak Arebbi.

Ayṯ-Ruma 1:17

Arebbi isbeyyen-aneɣ-d ḏi Lʼinjil mammec ɣa nemṣȓaḥ akiḏes, manaya s lʼiman waḥḏes. Mammec iqqar Lkitab:

Ayṯ-Ruma 1:2

Lʼinjil-a iy zi iwƹeḏ Arebbi ḏi zman s yiȓes n lʼanbiya nnes ḏi Lkitab lmuqeddes.

Ȓexḏayem 15:11

Neccin min ntamen? Ntamen belli neccin a nenjem s arḍa n Siḏiṯneɣ Ƹisa mammec ɣa nejmen uȓa ḏ yinni war iǧin ca zi Ayṯ-Israʼil."

Luqa 24:44

Inna-asen: "Ḏ wa ḏ awaȓ iy zi kiḏwem ssiwȓeɣ wami ƹaḏ tuɣa ǧiɣ akiḏwem, iƹni labud aḏ ikemmeȓ marra min xafi yurin ḏi Ccariƹa n Musa ḏ Lkutub n lʼanbiya ḏ Zzabur."

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

1 Buṭrus 1:10

X usenjem-a wanita ssiwȓen xas lʼanbiya, iƹni arḍa nni iy tuɣa ḏawem d ɣa imeḍharen. Niṯni rezzun xas mliḥ tfettacen xas aṭṭas.

Ayṯ-Galaṭya 5:5

Qa neccin lla, netraja Arebbi aḏaneɣ isemṣȓaḥ akiḏes s lʼiman, u lʼamal-a nneɣ netta s jjheḏ n Arruḥ iqeddsen.

Ayṯ-Ruma 16:26

Ȓexxu iban-d manaya i yiwḏan itwassen s Lkutub n lʼanbiya. Arebbi iƹni wenni itduman i ȓebda yumar azzayes amnen marra ȓegnus aḏas ṭaƹen.

Ȓexḏayem 26:22

Walakin Arebbi iƹawen-ayi-d zi qbeȓ ḥetta nhara. Ammu aqayi nec ḏanita beddeɣ, tbeccareɣ s umezyan ḏ umeqqran. Qqareɣ ɣir ṯimesȓayin nni iy nnan lʼanbiya ḏ Musa labud aḏ weqƹent.

Yuḥanna 1:45

Filippas yufa ijjen qqaren-as Naṯnahil inna-as: "Nufa wenni iy xef yura Musa ḏi ccariƹa, mixef urin Lkutub n Lʼanbiya. Netta ḏ Ƹisa zeg ubilaj n Naṣira ḏ mmis n Yusef."

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

Ayṯ-Ruma 9:30

Iwa, min ɣa nini? Yinni war iǧin ca zi Ayṯ-Israʼil tuɣa war rezzun ca ṣṣulḥ ak Arebbi, walakin ufin-ṯ wami umnen.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Ȓexḏayem 28:23

Ttafqen aḏ meȓqen ijjen n nhar, tmarnin-d inneɣni usin-d ɣares aṭṭas iḏsen ɣar ṯeddarṯ mani iqqim Bulus. Ibḏa itḥeddaṯ-iṯen zi ṣbaḥ aȓ wami d yuweḍ uƹecci netta icehheḏ s ȓmulk n Arebbi, ixes aṯen iseqneƹ s Ccariƹa n Musa ḏ Lkutub n lʼanbiya x Ƹisa.

Ayṯ-Ruma 3:28

Mayemmi? Ȓaḥeqqac neccin ɣarneɣ belli bnaḏem ismeṣȓah-iṯ Arebbi akiḏes s lʼiman nnes bȓa lḥasanaṯ n ccariƹa.

2 Ayṯ-Kurinṯ 3:9

Meȓa ɣares lƹaḍama ɣar ccariƹa nni iy tuɣa d itawin lḥisab ḏ lƹiqab, ataf ȓƹaheḏ-a iy d itawin ṣṣulḥ mecḥaȓ ṯemɣar lƹaḍama nnes ktar zi ṯenni nneɣni.