Ayṯ-Ruma 2:21 - Ṯarifiṯ 2020

²¹ Iwa cek iy iseȓmaḏen yinni, mayemmi war ṯseȓmiḏeḏ ca ixef nnec? Cek tḥeddaṯeḏ ṯeqqareḏ: "War tacar ca." Y cek, ma tacareḏ?

Ayṯ-Ruma 2:21 Referans Kwoze

1 Ayṯ-Kurinṯ 9:27

Lla, tzeyyareɣ x ddat inu tarriɣ-t ḏ ṯismeɣṯ inu. Maci aḏ beccareɣ awaȓ i yiwḏan u ɣar uneggaru aḏ iȓiɣ ak yinni iy ṯen isufuɣen bȓa ljaʼiza.

Luqa 12:47

Aweqqaf nni netta issen min irezzu siḏes walakin war isewjiḏ ca i siḏes war itegg ca min irezzu siḏes, ataf aḏ itwaƹaqeb aṭṭas.

Luqa 11:46

Yarra xas Ƹisa inna: "Ya ȓefḍiḥeṯ nwem uȓa ḏ kenniw a yinni itcerraḥen ccariƹa minzi tceddam ȓeḥmeȓ iḏeqȓen iqesḥen x yiwḏan ḥima aṯ arbun, walakin kenniw war tḥiḏim bu ȓeḥmeȓ nni uȓa s yijjen n uḍaḍ nwem.

Luqa 19:22

Indeq-d uzeǧiḏ nni inna-as: Cek min ṯenniḏ axak ḥekmeɣ zzayes ay axeddam amcum. Iwa ṯessneḏ belli nec ḏ ijjen n uryaz qesḥeɣ, kessiɣ min war srusiɣ, mejjareɣ min war zerrƹeɣ.

Luqa 4:23

Inna-asen Ƹisa: "Bȓa ccekk aḏayi ṯinim ȓmaƹna-ya: Cek ay aḍbib mȓi ṯeddawiḏ, iȓi ṯeddawiḏ ixef nnec. Aḏayi ṯinim ƹaweḏ qa min nesȓa iweqƹen ḏeg ubilaj n Kafernaḥum, ȓexxu manayenni egg-iṯ uȓa ḏanita ḏi ṯmurṯ nnec."

Matta 21:13

Inna-asen: "Lkitab iqqar: <Ṯaddarṯ inu aḏ tiȓi ḏ ṯaddarṯ n ṯẓaǧiṯ.> Walakin kenniw ṯarrim-teṯ ḏ ifri n ixewwanen."

Ayṯ-Galaṭya 6:13

Cuf, yinni iteggen ṭṭahareṯ niṯni s yixef nsen war tṭiƹin ca i ccariƹa nsen. Rezzun kenniw aḏ teggem ṭṭahareṯ bac aḏ ftaxaren belli ṯeggim lƹada nsen ḏi ddat nwem.