Ayṯ-Ruma 2:16 - Ṯarifiṯ 2020

¹⁶ Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

Ayṯ-Ruma 2:16 Referans Kwoze

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

Ȓexḏayem 17:31

Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."

Ȓexḏayem 10:42

Neccin iweṣṣa-yaneɣ Ƹisa a nbeccar ccaƹb, a necheḏ belli Arebbi ixḍar-iṯ aḏ iḥaseb yinni iddaren ḏ yinni immuṯen.

Luqa 8:17

Marra min inuffaren aḏ d imeḍhar. Marra min itwasnuffaren aḏ inefḍeḥ aḏ itwassen.

1 Buṭrus 4:5

Walakin lḥisab nsen aṯ igg wenni iwejjḏen aḏ iḥaseb yinni iddaren ḏ yinni immuṯen.

Ayṯ-Ruma 3:6

Lla, ƹemmarṣ! Maƹlik amenni, mammec ɣa igg Arebbi aḏ iḥaseb ddunect-a?

2 Buṭrus 2:9

Ammu ƹaweḏ issen Arebbi aḏ isenjem yinni iy ḏas itṭaƹan zi ȓemḥayen iy xasen d itekken. Issen ƹaweḏ aḏ iqenn yinni iƹeṣṣan swadday lḥukem nnes ḥetta aȓ Yum Lḥisab ḏ Lƹiqab.

2 Timutawus 4:1

Acek weṣṣiɣ zzaṯ i Arebbi ḏ Ƹisa Lmasiḥ wenni iy ɣa iḥekmen x yinni iddaren ḏ yinni immuṯen, acek weṣṣiɣ ƹaweḏ ḏi ȓmulk nnes ḏ Nhar nni iy ḏi d ɣa imeḍhar:

2 Timutawus 2:8

Fekkar ḏi Ƹisa Lmasiḥ wenni iy d isekkar Arebbi zi ȓmewṯ, netta lʼaṣel nnes zi Dawed. Ḏ manaya ig iǧan ḏi Lʼinjil iy tbeccareɣ nec.

1 Timutawus 1:11

Ttaƹlim-a iǧan nican aṯ naf ḏi Lʼinjil n Arebbi lƹaḍim ig itwarbarken. Lʼinjil-a ikellef-ayi-d xas nec am yijjen n lʼamana.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Yuḥanna 12:48

Wenni iy ḏayi itƹeyyaben netta war iqebbeȓ ca awaȓ inu, ataf ɣares wi ṯ ɣa iḥasben. Awaȓ-a iy nniɣ ḏ wenni iy ṯ ɣa iḥasben ḏi Nhar Aneggaru.

Iƹibraniyen 9:27

Ȓmewṯ itmetta-t bnaḏem ijjen n ṯwaȓa, ṯumma iḏeffar-it Lḥisab ḏ Lƹiqab.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

Ayṯ-Ruma 2:5

Walakin cek s ṯɣennant-a iy ḏayek ḏ wuȓ nnec war ituben ca tesmuniḏ aɣḍab i yixef nnec aȓ Yum Lḥisab ḏ Lƹiqab, nhar iy ḏi d ɣa imeḍhar ȓḥukem n Arebbi s ȓḥaqq.

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Ayṯ-Galaṭya 1:11

Fa ay ayṯma, itxeṣṣa-kenniw aḏ tessnem belli Lʼinjil nni iy zi kenniw beccareɣ qa netta war d yusi ca zi bnaḏem.

1 Ayṯ-Kurinṯ 15:1

Fa ay ayṯma akenniw sfekkareɣ x Lʼinjil iy zi kenniw beccareɣ, iƹni netta ṯqebȓem-ṯ u mtebṯin xas.