Ayṯ-Ruma 16:7 - Ṯarifiṯ 2020

⁷ Siwḍem-asen sȓam i Andruni ḏ Yunyas ȓeḥbab inu, yinni tuɣa akiḏi ḏi ȓeḥbes. Niṯni maƹrufin jar arrusul, umnen zi Lmasiḥ qbeȓ ma aḏ amneɣ nec.

Ayṯ-Ruma 16:7 Referans Kwoze

Ayṯ-Ruma 16:21

Issiweḍ-awem-d sȓam Timutawus wenni ixeddmen akiḏi, ḏ ȓeḥbab inu iƹni Luqyus ḏ Yasin ḏ Sibatru.

Ayṯ-Ruma 16:11

Siwḍem-as sȓam i Ḥarudi wenni iǧan zi ȓeḥbab inu. Siwḍem-asen sȓam i lƹaʼila n Narqis yinni itamnen s Siḏiṯneɣ.

Filimun 1:23

Isawwaḍ-ac-d sȓam Pafras wenni iy kiḏi iǧan ḏ ameḥbus ƹlaḥsab Ƹisa Lmasiḥ.

Ayṯ-Kulus 4:10

Isawwaḍ-awem-d sȓam Aristarxus wenni iy kiḏi iǧan ḏi ȓeḥbes-a. Isawwaḍ-awem-d sȓam uȓa ḏ Marqus mmis n ƹzizes n Barnabas. Tuɣa weṣṣiɣ-kenniw x Marqus-a, meȓa yusa-d ɣarwem reḥḥbeṯ zzayes.

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

Ayṯ-Galaṭya 1:22

Tuɣa nec ƹaḏ war ḏayi ssinen ca ḏeg uɣembub inu ṯijumaƹ n ȓmuminin n Lmasiḥ ḏi ṯmurṯ n Yahuḏiya.

2 Ayṯ-Kurinṯ 5:17

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

Lwaḥi 1:9

Nec ḏ Yuḥanna ḏ umaṯwem, cerrceɣ akiḏwem ḏi ȓemḥayen ḏ ȓmulk n Arebbi ḏ ṣṣbar ig iǧan ḏi Ƹisa. Tuɣa ǧiɣ ḏi ṯeyzirṯ n Baṭmus ƹlaḥsab awaȓ n Arebbi ḏ minxef icheḏ Ƹisa.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

1 Yuḥanna 4:13

Mammec ɣa negg neccin a nessen belli netƹic ḏayes, netta izeddeɣ ḏayneɣ? Liʼanna yuca-aneɣ zi Arruḥ nnes.

Ayṯ-Galaṭya 6:15

Liʼanna bnaḏem meȓa igga ṭṭahareṯ niɣ war t iggi ca, manaya war ineffeƹ ca; Lla, ineffeƹ meȓa bnaḏem ixȓeq-d qaƹ ḏ jḏiḏ.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Galaṭya 2:6

Amma yinni tɣir-awem ḏ imeqqranen xawem, niṯni war arnin uȓa ḏ ijjen n wawaȓ zi min beccareɣ nec. Qqareɣ manaya, min ma ƹnan yina ɣari kif-kif, iƹni Arebbi war itegg bu s wuḏemawen jaraneɣ.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 5:21

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

Ayṯ-Ruma 8:1

Iḏen fa ȓexxu, war iǧi bu lḥisab ḏ lƹiqab x yinni iǧan ḏ ijjen ak Ƹisa Lmasiḥ.

Yuḥanna 15:2

Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

Yuḥanna 14:20

Ḏi nhar nni aḏ tessnem belli nec aqayi ḏi Baba, kenniw ḏayi, nec ḏaywem.

Yuḥanna 6:56

Marra wenni ɣa iccen ddat inu aḏ isew iḏammen inu, ataf aḏ iqqim ḏayi, nec ḏayes.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

Ayṯ-Ruma 8:11

Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

Ayṯ-Ruma 16:3

Siwḍem-asen sȓam i Priskila ḏ Wakilas, yinni akiḏi ixeddmen ḏi Ƹisa Lmasiḥ.

Ayṯ-Ruma 16:6

Siwḍem-as sȓam i Maryam ig ixeddmen aṭṭas xawem.

Ayṯ-Ruma 16:8

Siwḍem-as sȓam i Amfilawus, amƹizzi inu ḏi Siḏiṯneɣ.

Ayṯ-Ruma 16:9

Siwḍem-asen sȓam i Urban wenni ixeddmen akiḏi ḏi Lmasiḥ ḏ umƹizz inu Staxis.

Ayṯ-Ruma 16:10

Siwḍem-as sȓam i Apilas wenni itwamellken ḏi Lmasiḥ. Siwḍem-asen sȓam ƹaweḏ i lƹaʼila n Aristubus.

2 Ayṯ-Kurinṯ 12:2

Ijjen n uryaz iǧan ḏi Lmasiḥ, aqa ssneɣ-ṯ ḏ nec. Arbeƹṭac iseggwusa zeg wami itwaxḍef ɣar ujenna wis ṯȓaṯa. Ma itwaxḍef s ddat niɣ bȓa ddat manayenni war ṯ ssineɣ ca nec, issen-iṯ illa Arebbi.