Ayṯ-Ruma 16:17 - Ṯarifiṯ 2020

¹⁷ Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

Ayṯ-Ruma 16:17 Referans Kwoze

Yahuḏa 1:19

Iwa niṯni ḏ yina iy kenniw ifarrqen, ḏaysen arruḥ n ddunect-a waha war ḏaysen ca Arruḥ iqeddsen.

2 Ayṯ-Salunik 3:6

Fa ay ayṯma, netweṣṣa-kenniw ƹlaḥsab isem n Siḏiṯneɣ Ƹisa Lmasiḥ aḏ tbeƹƹḏem zi mkuȓ ȓmumen itbaƹen farq-ccɣeȓ, netta war iḏeffar ca ttaƹlim iy ṯqebȓem zzayneɣ.

2 Timutawus 3:5

aḏ ggen ixef nsen ƹebbḏen Arebbi walakin nekkaren jjheḏ nnes. Iwḏan-a, awggwej xasen.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

Titus 3:10

Wenni ismenɣan iwḏan ag wayawya cek ƹȓem-as ṯwaȓa ṯamezwarut ḏ wis ṯnayen ȓexddenni awggwej zzayes qaƹ.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

1 Timutawus 1:3

Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.

Ayṯ-Filippas 3:17

Ay ayṯma, muneṯ ak yinni iteggen am nec. Xzareṯ mliḥ ɣar yinni igguren ḏeg ubriḏ nneɣ.

Matta 18:7

Ya tamara n yiwḏan x ssabab n ṯmesȓayin itawin ɣar ȓmuƹṣiyeṯ. Ṯimesȓayin nni aḏ d asent, walakin ya tamara n bnaḏem nni ig iteggen manayenni!

1 Ayṯ-Kurinṯ 3:3

kenniw ƹaḏ teggem array i ṭṭabiƹa ṯaƹeffant nwem. Meȓa itiȓi ȓeḥseḏ jarawem ḏ umenɣi, ataf teggem array i ṭṭabiƹa ṯaƹeffant nwem ataf tƹicem am yiwḏan n ddunect-a waha, niɣ lla?

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.

1 Yuḥanna 2:19

Ffɣen zzayneɣ walakin tuɣa war ǧin ca zzayneɣ. Maƹlik zzayneɣ, ataf qqimen akiḏneɣ. Niṯni ffɣen bac aḏ d iban belli war ǧin ca zzayneɣ.

Matta 18:17

Walakin meȓa yugi aɣarsen iṣenneṭ, ini-ṯ i jmaƹṯ n ȓmuminin. U meȓa yugi aɣarsen iṣenneṭ, ḥseb-iṯ ḏ ȓkafer niɣ ḏ axeddaƹ.

1 Ayṯ-Kurinṯ 11:18

Ḏ amezwaru, xmi tmunem jmaƹeṯ n ȓmuminin tesȓiɣ belli tiȓin jarawem lxilafaṯ, u nec tamneɣ manaya illa ḏayes cwayt n ṣṣaḥ.

Luqa 17:1

Inna-asen Ƹisa i imeḥḍaren nnes: "Ȓebda tewqiƹent ṯmesȓayin iy ɣa iɣeḍȓen iwḏan ḏi ȓmuƹṣiyaṯ, walakin ya tamara n bnaḏem nni ig iǧan ḏ ssabab n ȓmuƹṣiyaṯ nni.

Matta 7:15

Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.