Ayṯ-Ruma 15:7 - Ṯarifiṯ 2020

⁷ S manaya qebȓeṯ ayawya mammec iy kenniw iqbeȓ Lmasiḥ ḥima aḏ tsemɣarem Arebbi.

Ayṯ-Ruma 15:7 Referans Kwoze

Matta 10:40

Wenni kenniw iqebbȓen, ataf iqbeȓ-ayi. Wenni ḏayi iqebbȓen, ataf iqbeȓ wenni ḏayi d issekken.

Yuḥanna 13:34

Ȓexxu ticceɣ-awem ijjen n ȓuṣiyeṯ ḏ jḏiḏ: Ḥibbeṯ ayawya. U ḥibbeṯ ayawya mammec kenniw ḥibbeɣ nec.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Luqa 9:48

Inna-asen: "Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi iqebbȓen, ataf iqbeȓ wenni ḏayi d issekken. Minzi wenni iǧan zzaywem ḏ amezyan qaƹ, ḏ netta ig iǧan ḏ ameqqran."

Marqus 9:37

"Wenni ɣa iqebȓen can uḥenjir am wanita ƹlaḥsab isem inu, axmi ḏ nec ig iqbeȓ. Wenni ḏayi ɣa iqebȓen, maci ḏ nec ig iqbeȓ; Lla, iqbeȓ wenni ḏayi d issekken."

Luqa 15:2

Ȓḥizeb n ifarrisiyen ḏ imseȓmaḏen n ccariƹa ssawaȓen ḏi Ƹisa nnan: "Aryaz-a itreḥḥab zeg yinni iƹeṣṣan itett akiḏsen!"

Ayṯ-Ufasus 1:12

Ḥima neccin iy yumnen ḏ imezwura ḏi Lmasiḥ a neḥmeḏ Arebbi x lƹaḍama nnes.

Ayṯ-Ruma 15:9

Ƹaweḏ bac yinni war iǧin ca zi Ayṯ-Israʼil aḏ ḥemḏen Arebbi x arraḥmeṯ nnes. Mammec iqqar Lkitab:

Yuḥanna 6:37

Marra min ḏayi d iticc Baba itas-d ɣari. Wenni iy d itasen ɣari war ṯ siggwijeɣ ca.

Ayṯ-Kulus 3:13

Ṣbareṯ ak wayawya. Meȓa can yijjen zzaywem ɣares can lmuckil iy zzayes ɣa iceṯca x unneɣni, itxeṣṣa ijjen aḏ ismeḥ i unneɣni. Mammec ḏawem iɣfar Arebbi i kenniw, amenni iy ɣa ṯsemḥem i yiwḏan.