Biblia Todo Logo
Bib sou entènèt

- Piblisite -




Ayṯ-Ruma 15:26 - Ṯarifiṯ 2020

26 Liʼanna ȓmuminin iy iǧan ḏi jwayeh n Masidunya ḏ Uxaya texsen aḏ ƹawnen ipubriṯen iy iǧan jar ȓmuminin ṣṣaliḥin ḏi ṯendint n Lquds.

Gade chapit la Kopi




Ayṯ-Ruma 15:26
33 Referans Kwoze  

Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.


Qa nec tesȓiɣ x lʼiman nnec iy ḏayec zi Siḏiṯneɣ Ƹisa ḏ ȓemḥibbeṯ nnec ɣar marra ṣṣaliḥin.


Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.


Walakin ḏi ȓweqṯ nni n Galyun lƹamil n lʼiqlim n Uxaya, munen israʼiliyen hejmen x Bulus uwin-ṯ ɣar lmaḥkama.


Ḏi ǧiȓeṯ nni ihwa-d ijjen n lwaḥi x Bulus iẓra ḏayes ijjen n uṯarras zi lʼiqlim n Masidunya ibedd itṭalab-iṯ iqqar-as zwa-d ɣarneɣ ɣar Masidunya ƹawen-aneɣ.


Lla, meȓa ṯeggiḏ zarrdeṯ ƹareḍ x ȓmusakin ḏ inecrufen ḏ izeḥḥafen ḏ iḍarɣaȓen.


Iysi ṯiṭṭawin nnes Ƹisa ɣar imeḥḍaren nnes inna-asen: "Ssaƹḏ nwem a ȓmusakin, aqa ȓmulk n Arebbi i kenniw.


Imesƹan aqaṯen akiḏwem i ȓebda, nec war kiḏwem tɣimiɣ ca i ȓebda.


Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.


Yarra xas Anas inna-as: "A Siḏi, nec xebbaren-ayi aṭṭas n yiwḏan x bnaḏem-a Cawul, mecḥaȓ iƹeddeb netta ȓmuminin nnec ṣṣaliḥin ḏi Lquds.


Ssenni nruḥ ɣar Filippi, nettaṯ ḏ ijjen n ṯendint ṯusa-d ḏi lwilaya ṯamezwarut n lʼiqlim n Masidunya, staƹmaren-teṯ irumaniyen. Neqqim ḏinni ḏi ṯendint nni ȓebƹaḍ n wussan.


Menbaƹd i manaya, iƹewweȓ Bulus aḏ isafer ɣar Lquds, aḏ ikk x lʼiqlim n Masidunya ḏ lʼiqlim n Uxaya. Inna: Xmi ɣa awḍeɣ ḏinni, itxeṣṣa-ayi ƹaweḏ aḏ raḥeɣ ɣar ṯendint n Ruma!


Fa xmi ɣa ƹḏuɣ Masidunya aɣarwem d aseɣ, qa nec ƹaḏ aḏ d kkeɣ ssenni x Masidunya.


Iƹni tuɣa rezzuɣ axawem d kkeɣ xmi ɣa raḥeɣ ɣar lʼiqlim n Masidunya, menbaƹd aɣarwem d ƹeqbeɣ zi Masidunya bac aḏayi ṯƹawnem aḏ safareɣ ɣar ṯmurṯ n Yahuḏiya.


Walakin uȓ inu war iǧi ca mertaḥ wami war ufiɣ ca ḏinni uma Titus, mṣafaḍeɣ xasen uyureɣ ɣar Masidunya.


Cuf, neccin wami d nuḏef ɣar lʼiqlim n Masidunya ddat nneɣ war ṯriyyeḥ ca, netwazeyyar zi mkuȓ jjiheṯ amenɣi ɣar barra ḏ ṯiggwḏi ɣar ḏaxeȓ.


Menbaƹd meȓa usin-d akiḏi ȓebƹaḍ zi Ayṯ-Masidunya ufin-kenniw war ṯeswejḏem ca ataf neccin a nseḏḥa x ttiqeṯ nneɣ ḏaywem (uȓa ḏ kenniw aḏ tseḏḥam).


Wami ḥḍareɣ akiḏwem tuɣa nec teḥḏajiɣ, war tbessaȓeɣ x ḥadd zzaywem; Lla, ucin-ayi min teḥḏajiɣ ayṯmaṯneɣ yinni iy d yusin zi Masidunya. Amenni ugiɣ axawem bessȓeɣ, aḏ qqimeɣ mestammer amenni.


A Ayṯ-Filippi, wami ffɣeɣ nec zi lʼiqlim n Masidunya ṯessnem qa ḏ kenniw waha zi marra ṯijumaƹ n ȓmuminin iy kiḏi icarcen ḏi lmuƹawana. Manayenni iwqeƹ wami yallah bḏiɣ tbeccareɣ s Lʼinjil ḏi jwayeh nni.


Ammu ṯḏewȓem ḏ ijjen n lmiṯal aṯ ḏeffaren marra ȓmuminin ig iǧan ḏi lʼiqlim n Masidunya ḏ lʼiqlim n Uxaya.


Zzaywem kenniw iy d iffeɣ ṣṣut n wawaȓ n Siḏiṯneɣ. Maci iffeɣ-d ḏi Masidunya ḏ Uxaya waha; Lla, iffeɣ-d ȓexbar-a x lʼiman nwem zi Arebbi ɣar yiwḏan ḏi marra imucan. X manaya war ḏaneɣ itxeṣṣi ca axas nessiweȓ minzi iwḏan tesȓan xawem.


Wah, ḏ ṣṣaḥ texsem marra ayṯmaṯwem iy kiḏwem itƹicen ḏi lʼiqlim n Masidunya. Walakin netweṣṣa-kenniw ay ayṯma aḏ tarnim ƹaḏ ktar.


Nec wami ruḥeɣ ɣar lʼiqlim n Masidunya weṣṣiɣ-cek aḏ teqqimeḏ ḏi ṯendint n Ufasus bac aḏ tenhiḏ can iryazen aḏasen ṯiniḏ war seȓmaḏem ca ṯimesȓayin ig itxalafen ḏi lʼiman.


Swiv nou:

Piblisite


Piblisite