Ayṯ-Ruma 14:6 - Ṯarifiṯ 2020

⁶ Wenni itwaȓan ijjen n nhar mubarak zeg unneɣni aḏ igg manaya bac aḏ iweqqar Siḏi Arebbi. Wenni itetten zi marra lmakla qa itett bac aḏ iweqqar Siḏi Arebbi liʼanna aḏ icekkar Arebbi. Wenni war itetten ca zi marra lmakla qa itegg manaya ḥima aḏ iweqqar Siḏi Arebbi, uȓa ḏ netta aḏ icekkar Arebbi.

Ayṯ-Ruma 14:6 Referans Kwoze

Matta 15:36

Iṭṭef sebƹa nni n ṯecnifin ḏ iseȓman nni, icekkar Arebbi. Irzi-ṯen yuci-ṯen i imeḥḍaren nnes, imeḥḍaren nnes ferqen-ṯen x ȓɣaci nni.

Matta 14:19

Yumar ȓɣaci nni aḏ qqimen x arbiƹ. Iṭṭef xemsa n ṯxebbazin nni ḏ ṯnayen n iseȓman nni, iysi ṯiṭṭawin nnes ɣar ujenna icekkar Arebbi. Irza ṯixebbazin nni x ṯnayen yuca-asen-ṯent i imeḥḍaren nnes, ȓexddenni ferqen-ṯent x yiwḏan nni marra.

Ayṯ-Galaṭya 4:10

Aqa kenniw tbaƹem ussan n ddin nsen ḏ ȓechuraṯ ḏ ȓfuṣul ḏ lƹamaṯ nsen!

Yuḥanna 6:28

Nnan-as: "Min itxeṣṣa a negg ḥima a nzemmar a nexḏem ȓexḏayem n Arebbi?"