15 Farḥeṯ ak yinni ifarrḥen, truṯ ak yinni itrun.
Meȓa can yijjen itwaƹeddab, aḏ twaƹeddaben kuȓci. Meȓa can yijjen ṯemmuc-as lqima, akiḏes farḥen marra.
Xemmmeṯ ḏeg imeḥbas amecnaw kenniw iy kiḏsen ṯetwaḥebbsem ḏ yinni iy xef tbuṣaren amecnaw kenniw ṯetwaƹeddabem.
Jjiran nnes ḏ ȓeḥbab nnes farḥen akiḏes wami ɣarsen ȓexbar belli Siḏ Arebbi irḍa xas aṭṭas.
Wami d yuweḍ, yufa mammec ṯen ibarek Arebbi. Ifareḥ ibḏa itcejjaƹ-iṯen marra bac aḏ qqimen ḏeg ubriḏ n Siḏiṯneɣ s marra uȓawen nsen.
Itweḥḥac-ikenniw aṭṭas marra iḏwem, iysi xawem amnus ƹaweḏ wami d ṯarrim ȓexbar tuɣa ihȓec.
Meȓa can yijjen iḍƹef, nec ma war teḍƹifeɣ ca? Meȓa can yijjen itwasufeɣ zeg ubriḏ, nec ma war ḏayi iteqqes ca wuȓ inu?
Tuɣa uriɣ ṯabrat nni bac war ḏayi tesxeyyaqem ca, rezzuɣ axmi d ɣa aseɣ ɣarwem u labud aḏayi tesfarḥem. Meȓa farḥeɣ aḏ iȓiɣ nec metʼakked aḏ tfarḥem uȓa ḏ kenniw.
Aṭṭas n israʼiliyen usin-d ɣar Marṯa ḏ Maryam ḥima aṯent ƹezzan x umaṯsent.
X manayenni aḏawem ṯiḏ ssekkeɣ ȓexxu ḏ abriḏ bac aḏ tfarḥem xmi ṯ ɣa ṯeẓrem u ƹaweḏ war ḏayi itiȓi bu umnus.
