Ayṯ-Ruma 12:13 - Ṯarifiṯ 2020

¹³ Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

Ayṯ-Ruma 12:13 Referans Kwoze

Iƹibraniyen 13:16

U war tettuṯ ca aḏ teggem ȓxir aḏ tcarcem ak inneɣni minzi s dbiḥaṯ-a am ṯina iy ḏas iteƹjiben i Arebbi.

2 Ayṯ-Kurinṯ 9:12

Liʼanna ṣṣaḏaqa-ya iy teggem maci ɣir tƹemmar zzayes ifassen ixwan n ȓmuminin ṣṣaliḥin ḏi Lquds; Lla, nettaṯ ƹaweḏ itenfeyyaḍ zzayes aṭṭas n ccuker i Arebbi.

1 Yuḥanna 3:17

Wenni ɣar iǧa wagȓa n ddunect-a itwaȓa umas war ɣares ca iteḥḏaja uca iseqseḥ uȓ nnes xas, mammec ɣa ṯiȓi ȓemḥibbeṯ n Arebbi ḏeg wanita?

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Buṭrus 4:9

Labud aḏ treḥḥbem zeg wayawya am inewjiwen bȓa ma aḏ tceṯcam.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

Iƹibraniyen 13:2

War tettuṯ ca aḏ treḥḥbem zi midden minzi ȓebƹaḍ iy ggin manayenni treḥḥaben zi lmalaʼikaṯ bȓa ma ṯent ssnen.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

Matta 25:35

Ȓaḥeqqac ṯufim-ayi ǧuzeɣ ṯseccem-ayi. Ṯufim-ayi ffuḏeɣ ṯsesswem-ayi. Ṯufim-ayi ḏ aɣrib ṯsezḏɣem-ayi.

Filimun 1:7

Ay uma, ȓemḥibbeṯ iy ɣarec cek ticc-ayi-d ijjen n ȓefraḥeṯ ḏ ucejjaƹ ḏ ameqqran minzi cek ṯsiḥemmiḏ uȓawen n ṣṣaliḥin.

Titus 1:8

Wah, itxeṣṣa aḏ itreḥḥab zeg inewjiwen, aḏas iteƹjib min iǧan ḏ aṣebḥan, aḏ iḥkem x ṯnefsiyṯ nnes, aḏayes yiȓi lmaƹqul, aḏ yiȓi iṣfa, aḏ irebba ixef nnes.

2 Ayṯ-Kurinṯ 9:1

Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

Ȓexḏayem 10:4

Ixzar ḏayes Kurninyus mliḥ iggweḏ inna-as: "A siḏi, min ṯrezzuḏ?" Inna-as lmalak nni: "Qa ṯẓaǧiṯ nnec ḏ ṣṣaḏaqa nnec aqa iqbeȓ-iṯent zzayek Arebbi, netta qa ifqeḏ-icek.

Ȓexḏayem 4:35

srusan-ṯent ɣar iḍaren n arrusul tferraqen-ṯent ƹlaḥsab mkuȓ ijjen min iḥḏaj.

1 Ayṯ-Kurinṯ 16:15

Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

Ayṯ-Ruma 12:8

Ijjen meȓa itcejjaƹ, u labud aḏ icejjeƹ. Ijjen meȓa itṣeddaq, u labud aḏ yiȓi ḏ asexxay. Ijjen meȓa itraya, u labud aḏ iray s wuȓ nnes. Ijjen meȓa ireḥḥem, u labud aḏ irḥem s ȓefraḥeṯ nnes.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

3 Yuḥanna 1:5

Ay uma inu iƹizzen, cek ḏayec ttiqeṯ wami teggeḏ lmejhud nnec ƹlaḥsab awmaṯen-a waxxa niṯni tasen-d ɣarek ḏ ibarraniyen.