Ayṯ-Ruma 12:10 - Ṯarifiṯ 2020

¹⁰ Xseṯ ayawya am ṯawmat. Weqqareṯ ayawya ktar zi jjheḏ.

Ayṯ-Ruma 12:10 Referans Kwoze

Ayṯ-Filippas 2:3

War teggem walu zi lʼananiya niɣ zi ttakebbur. Bȓa ttakebbur weqqarem inneɣni ḥsen zeg yixef nwem.

Iƹibraniyen 13:1

Qqimeṯ tḥibbaṯ ayawya am wawmaṯen.

1 Yuḥanna 4:11

Ay imƹizzen inu, meȓa anectuya iy ḏaneɣ ixes Arebbi, itxeṣṣa uȓa ḏ neccin a nexs ayawya.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 2:17

Weqqareṯ marra iwḏan. Sƹizzeṯ ayṯmaṯwem. Ggwḏeṯ zi Arebbi. Weqqareṯ azeǧiḏ.

1 Ayṯ-Salunik 4:9

Ȓexxu ƹlaḥsab ȓemḥibbeṯ jarawem war nteḥḏiji ca ƹaḏ aḏawem nari, mayemmi? Minzi iseȓmeḏ-ikenniw Arebbi s yixef nnes aḏ texsem ayawya.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

1 Yuḥanna 4:20

Wenni iqqaren qa nec texseɣ Arebbi netta itƹiffa umas, ataf netta ḏ bu-ixarriqen waha ig iǧa. Mayemmi? Wenni war itexsen ca umas ig iẓerr, ataf war izemmar ca aḏ ixes Arebbi iy war iẓerr ca.

2 Buṭrus 1:7

u ƹaweḏ arnim ȓxir jar wawmaṯen ak ṭṭaƹa-ya nwem i Arebbi; u ƹaweḏ arnim ȓemḥibbeṯ ak ȓxir-a nwem jar wawmaṯen.

1 Buṭrus 5:5

Ay iḥenjiren, kenniw ṭaƹeṯ ƹaweḏ i yinni iǧan ḏ imeqqranen. Swejḏeṯ ixef nwem marra kenniw s yijjen n array ak wayawya war ḏayes bu ttakebbur minzi

Yuḥanna 15:17

Ḏ ṯa ḏ ȓuṣiyeṯ inu, iƹni aḏ tḥibbem ayawya.

Ayṯ-Ruma 13:7

Mkuȓ ijjen ucem-as ȓḥaqq nnes: ḍḍariba i bab n ḍḍariba, ȓaƹcur i bab n ȓaƹcur, lʼiḥtiram i bab n lʼiḥtiram, ȓewqar i bab n ȓewqar.

Ȓexḏayem 4:32

Jmaƹeṯ nni n ȓmuminin ɣarsen uȓ nsen ḏ ȓaƹqeȓ nsen kif-kif. Uȓa ḏ ijjen zzaysen war iḥesseb min ɣares nnes waḥḏes, carrcen marra ṯimesȓayin jarasen.

Luqa 14:10

Lla, meȓa ƹarḍen xak, ruḥ qqim ḏeg umcan aneggaru. Aɣarek d yas wenni iy c iƹarḍen aḏac yini ay ameddukeȓ inu gaƹƹeḏ ḏiha. Ataf aḏ temɣareḏ ɣar marra yinni itwaƹarḍen.

Matta 20:26

Walakin manayenni itxeṣṣa war itiȓi ca jarawem. Lla, wenni irezzun aḏ iḏweȓ ḏ ameqqran jarawem itxeṣṣa-yas aḏ yiȓi ḏ axeddam nwem.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

Ayṯ-Kulus 1:4

Liʼanna netsȓa xawem x lʼiman nwem iy ḏaywem x Ƹisa Lmasiḥ ḏ ȓemḥibbeṯ nwem iy teggem i ṣṣaliḥin marra.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.