Ayṯ-Ruma 1:14 - Ṯarifiṯ 2020

¹⁴ Liʼanna u labud aḏ ggeɣ lwajib ak iyunaniyen ḏ yinni war iǧin ca ḏ iyunaniyen, ak yinni iɣrin ḏ yinni war iɣrin ca.

Ayṯ-Ruma 1:14 Referans Kwoze

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ayṯ-Ruma 12:16

Ƹiceṯ ag wayawya ḏi ȓehna. War semɣareṯ ca ixef nwem, mƹacareṯ ag ipubriṯen. War tarraṯ ca ixef nwem ḏ imiɣisen.

2 Ayṯ-Kurinṯ 11:19

Ma kenniw zaƹma ṯfehmem mliḥ? Iwa, mayemmi s ȓefraḥeṯ ṯṣebbarem ibuhaȓiyen?

Ayṯ-Ruma 16:19

Kenniw, sȓin xawem iwḏan marra x ṭṭaƹa nwem, nec farḥeɣ zzaywem x manayenni. Walakin xseɣ kenniw aḏ tiȓim ḏ ifṭanen x min iǧan ḏ aṣebḥan, aḏ tɣefȓem x min iǧan ḏ ccarr.

Ayṯ-Ruma 13:8

Itxeṣṣa war itiȓi ca umarwas jarawem; Lla, itxeṣṣa aḏ yiȓi illa umarwas n ȓemḥibbeṯ. Aqa wenni itexsen unneɣni itwaḥsab ikemmeȓ min yurin ḏi ccariƹa.

Ayṯ-Ruma 8:12

X manayenni ay ayṯma, itxeṣṣa-yaneɣ a negg lwajib, walakin maci ḥima a negg array i ṭṭabiƹa ṯaƹeffant nneɣ.

Ayṯ-Ruma 1:22

Ḥessben x yixef nsen ḏ imiɣisen, niṯni ḏewȓen ḏ ibuhaȓiyen.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

2 Ayṯ-Kurinṯ 10:12

Cuf, war nzemmar a nqaran ixef nneɣ niɣ a nmeṯṯel ixef nneɣ ak yinni itcekkaren i yixef nsen. Yina xmi tmeyyazen ixef nsen ak wayawya niɣ tmeṯṯalen ixef nsen ak wayawya iƹni ḏaysen ȓeqfaȓeṯ.

1 Ayṯ-Kurinṯ 14:16

Meȓa ṯcekkareḏ Arebbi s arruḥ waha, wenni iy ɣarwem d yusin s zziyara war izemmar aḏ yini amin x ccuker nnec liʼanna war issin ca min ṯeqqareḏ.

1 Ayṯ-Kurinṯ 14:11

Iwa meȓa nec war ssineɣ ca ȓmaƹna n lluɣa nni, ataf nec aḏ iȓiɣ am yijjen ḏ abarrani ak wenni issawaȓen ataf netta ƹaweḏ akiḏi yiȓi am yij ubarrani.

1 Ayṯ-Kurinṯ 3:18

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.

1 Ayṯ-Kurinṯ 2:13

Nsawaḍ manaya s wawaȓen iy war ṯen ṯseȓmiḏ ca ȓefhameṯ n bnaḏem; Lla, nessawaḍ-iṯ s wawaȓen ig iseȓmaḏ Arruḥ n Arebbi. Awaȓen-a tcarraḥen lḥaqiqaṯ ruḥiyaṯ i yinni umi ɣar iǧa Arruḥ n Arebbi.

Ayṯ-Ruma 11:25

Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ȓexḏayem 28:4

Wami ẓrin ibarbariyen fiɣer iȓseq ḏeg ufus n Bulus, nnan jarasen: Nican aryaz-a wanita inɣa can yijjen. Arebbi nneɣ umi qqaren war ṯ ijji ca aḏ iddar waxxa injem zi ȓebḥar.

Ȓexḏayem 28:2

Ibarbariyen n ṯmurṯ nni ggin ḏayneɣ ȓxir aṭṭas. Reḥben zzayneɣ marra, ceƹƹȓen-aneɣ ṯimessi minzi tuɣa ṯesmeḍ ƹaweḏ iccaṯ unẓar.

Luqa 10:21

Ȓexddenni ifareḥ Ƹisa s Arruḥ iqeddsen inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen. Wah a Baba, ȓaḥeqqac ammu iy xak yarḍa.

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.