Ayṯ-Ruma 1:1 - Ṯarifiṯ 2020

¹ Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

Ayṯ-Ruma 1:1 Referans Kwoze

Ȓexḏayem 9:15

Inna-as Siḏiṯneɣ: "Lla ruḥ, qa aryaz-a ḏ nec iy ṯ ixḍaren aṯ ssekkeɣ ḥima aḏ issiweḍ isem inu i yinni war iǧin ca zi Ayṯ-Israʼil, ḏ izeǧiḏen nsen, ḏ israʼiliyen.

1 Ayṯ-Kurinṯ 1:1

Ṯabrat-a zzayi nec Bulus akiḏi umaṯneɣ Sastin. Iȓaɣa-ayi-d Arebbi s ȓxaḍar nnes ḥima aḏ iȓiɣ ḏ arrasul n Ƹisa Lmasiḥ.

Ayṯ-Kulus 1:1

Nec ḏ Bulus ḏ arrasul n Ƹisa Lmasiḥ s ȓxaḍar n Arebbi, akiḏi umaṯneɣ Timutawus.

Titus 1:1

Nec ḏ Bulus ḏ axeddam n Arebbi ḏ arrasul n Ƹisa Lmasiḥ xeddmeɣ ƹlaḥsab yinni ig ixḍar Arebbi bac aḏ amnen aḏ ssnen lḥaqiqa iy ṯen isegguren ɣar min iǧan nican ḏi lʼiman.

Ayṯ-Ruma 1:9

Liʼanna Arebbi iy ƹebbḏeɣ s marra uȓ inu tbeccareɣ s Lʼinjil n Mmis, netta qa issen tfekkareɣ ḏaywem ȓebda ḏi ṯẓaǧiṯ inu. Tettareɣ meȓa ixes Arebbi aȓ uneggaru aḏ afeɣ abriḏ aɣarwem d aseɣ.

2 Ayṯ-Kurinṯ 1:1

Ṯabrat-a zzayi nec Bulus ig iǧan ḏ arrasul n Ƹisa Lmasiḥ s ȓxaḍar n Arebbi, akiḏi umaṯneɣ Timutawus. Tariɣ i jmaƹeṯ n ȓmuminin n Arebbi yinni iǧan ḏi ṯendint n Kurinṯ ḏ marra ȓmuminin ṣṣaliḥin ƹaweḏ ig iǧan ḏi lʼiqlim n Uxaya amen-ṯekmaȓ.

1 Ayṯ-Kurinṯ 9:1

Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?

2 Timutawus 1:11

Ƹlaḥsab Lʼinjil-a twaxḍareɣ nec aḏ beccareɣ aḏ iȓiɣ ḏ arrasul ḏ ijjen n umseȓmaḏ.

1 Timutawus 1:1

Nec ḏ Bulus ḏ arrasul n Ƹisa Lmasiḥ s lʼamar n Arebbi wenni iy ḏaneɣ isenajmen ḏ Ƹisa Lmasiḥ netta ḏ lʼamal nneɣ.

Ayṯ-Galaṭya 1:1

Nec ḏ Bulus, nec ḏ ijjen n arrasul maci s yiwḏan niɣ s ȓxaḍar n bnaḏem; Lla, nec ḏ arrasul s Ƹisa Lmasiḥ u ƹaweḏ s Arebbi Babaṯneɣ iy d isekkaren Ƹisa zi ȓmewṯ.

1 Timutawus 2:7

X manayenni iy twaxḍareɣ nec bac aḏ ḥeddṯeɣ aḏ iȓiɣ ḏ arrasul aḏ iȓiɣ ḏ amseȓmaḏ ƹlaḥsab lʼiman ḏ ȓḥaqq jar yinni war iǧin ca zi Ayṯ-Israʼil. Qqareɣ lmaƹqul maci ḏ ixarriqen.

1 Ayṯ-Salunik 2:2

Ḏi ṯendint n Filippi ṯessnem belli tƹeddan xaneɣ ḏinni tbuṣaren xaneɣ. Walakin neccin nzaƹem akiḏwem, tuɣa itƹawan-aneɣ Arebbi bac a nbeccar jarawem s Lʼinjil waxxa can yiwḏan tƹarraḍen-aneɣ.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Filippas 1:1

Nec ḏ Bulus akiḏi Timutawus neccin ḏ ixeddamen n Ƹisa Lmasiḥ. Ntari ṯabrat-a i ṣṣaliḥin n Ƹisa Lmasiḥ iy iǧan ḏi ṯendint n Filippi ḏ arruyas nsen ḏ nnuyab nsen.

Lwaḥi 1:1

Wanita ḏ lwaḥi n Ƹisa Lmasiḥ. Yuca-as-ṯ Arebbi ḥima aṯ ismeḍhar i yinni iy ṯ iƹebbḏen. Manaya itxeṣṣa u labud aḏ iwqeƹ ḏeɣya. Lmasiḥ issekk lmalak nnes aḏ ixebbar manaya i ȓƹabḏ nnes qqaren-as Yuḥanna.

Yahuḏa 1:1

Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

Yaƹqub 1:1

Nec ḏ Yaƹqub ḏ ȓƹabḏ n Arebbi ḏ ȓƹabḏ n Siḏiṯneɣ Ƹisa Lmasiḥ, tseǧameɣ x ṯenƹac n ṯqebbaȓ n ȓmuminin iy itemzeǧaƹen x ṯmura.

Iƹibraniyen 5:4

Ƹaweḏ war ḏinni ḥadd iy ɣa isemɣaren ixef nnes aḏ ixḏem s ccan-a iƹni ḏ ȓefqi ameqqran; Lla, ḏ Arebbi iy ḏas iticcen ȓḥaqq nni mammec ḏas ṯ yuca i ȓefqi nni umi qqaren Harun.

Ayṯ-Filippas 2:11

Aḏ iƹtaref kuȓ yiȓes aḏ yini x Ƹisa Lmasiḥ qa netta ḏ Siḏiṯneɣ azzayes isemɣar Arebbi Babaṯneɣ.

Ayṯ-Ufasus 4:11

Ḏ netta ig ixḍaren arrusul ḏ lʼanbiya ḏ yinni ig itbeccaren s Lʼinjil ḏ ȓfuqaha ḏ imseȓmaḏen.

Ayṯ-Ufasus 1:13

Ṯumma ismun-ikenniw-d ƹaweḏ ak Lmasiḥ wami ṯṣennṭem i wawaȓ n lḥaqiqa iƹni Lʼinjil iy zi ṯnejmem. Wami ṯumnem iḍbeƹ-ikenniw Arebbi s ṭṭabaƹ nnes iƹni s Arruḥ iqeddsen iy zi ḏaneɣ iwƹeḏ.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 11:5

Cuf, war ḥessbeɣ ca ixef inu ḏ aneqṣi zi arrusul imezwura. Lla walu.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ȓexḏayem 22:7

Wḍiɣ ɣar ṯmurṯ sȓiɣ i yijjen n ṯmijja ṯeqqar-ayi-d: A Cawul a Cawul, mayemmi ḏayi tƹeddabeḏ?

Ȓexḏayem 20:24

Walakin war ticceɣ bu lhimma i ṯuḏarṯ inu. Nec aḏ kemmȓeɣ minxef d usiɣ ḏ ȓxeḏmeṯ iy zi ḏayi ikellef Siḏiṯneɣ Ƹisa, iƹni aḏ cehḏeɣ x L'injil n arḍa n Arebbi.

Lwaḥi 22:9

Inna-ayi: "Lla! Qa nec ḏ ȓƹabḏ, am nec am cek am ayṯmac lʼanbiya ḏ marra yinni iteggen array i wawaȓen n Lkitab-a. Sejjeḏ-as i Arebbi."

Ayṯ-Kulus 1:25

Jmaƹeṯ-a ḏewȓeɣ ɣares nec ḏ ijjen n uxeddam nnes ƹlaḥsab lwajib nni zi Arebbi iy ḏayi d immucen bac akenniw beccareɣ s wawaȓ ikmaȓ n Arebbi.

Ayṯ-Ufasus 1:1

Nec ḏ Bulus, nec ḏ ijjen n arrasul n Ƹisa Lmasiḥ s ȓxaḍar n Arebbi. Uriɣ ṯabrat-a i ṣṣaliḥin iy iǧan ḏi jwayeh n Ufasus iy yumnen s Ƹisa.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

Ayṯ-Ruma 15:29

U nec ssneɣ xmi ɣarwem d ɣa aseɣ, aḏ d aseɣ s yijjen n ȓmudd iccur s lbaraka n Lmasiḥ.

Ayṯ-Ruma 11:13

Fa nec qqareɣ-awem manaya i kenniw war iǧin ca zi Ayṯ-Israʼil. Nec ḏ arrasul ɣar yinni war iǧin ca zi Ayṯ-Israʼil, nec ȓxeḏmeṯ inu ḥessbeɣ-t ɣares ijjen n ccan imɣar.

Ȓexḏayem 27:23

Cuf, ǧiȓeṯ-a ṯanita qa ṯmeḍhar-ayi-d ijjen n lmalaʼika n Arebbi, Arebbi wenni umi xeddmeɣ netta ḏ bab inu.

Ȓexḏayem 26:1

Inna-as uzeǧiḏ Aɣribas i Bulus: "Qa neccin nesmeḥ-ac aḏ tdafƹeḏ x yixef nnec." Iceyyar Bulus s ufus nnes ibḏa itḏafaƹ x yixef nnes inna-as:

Ȓexḏayem 13:9

Ikkar Cawul iƹni Bulus iccur s Arruḥ iqeddsen ixzar ḏeg useḥḥar nni mliḥ;

Yuḥanna 15:15

War iqqim ƹaḏ aḏawem semmiɣ ixeddamen minzi axeddam war issin ca min itegg uweqqaf nnes. Kenniw aḏawem semmiɣ imeddukaȓ inu minzi nniɣ-awem marra min sȓiɣ zi Baba.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Lwaḥi 22:6

Inna-ayi lmalak wenni: "Awaȓen-a ḏaysen ȓaman ḏaysen ȓḥaqq. Arebbi netta ḏ Mawlana iy d isehwan lwaḥi x lʼanbiya, issekk-d lmalak nnes ḥima aḏ d ismeḍhar i yinni iy ṯ iƹebbḏen min labud ɣa iweqƹen ƹȓayen."

Iƹibraniyen 7:26

Cuf, ijjen n ȓefqi ameqqran am wanita ḏ netta iy neḥḏaj. Netta ƹaḍim, bȓa ȓƹib, iṣfa, ineƹzeȓ zeg yiwḏan iy ggin ȓmuƹṣiyeṯ, itwasemɣar yuƹȓa x ijennaṯen.

Ȓexḏayem 26:14

Newḍa marra ɣar ṯmurṯ, sȓiɣ i yijjen n ṯmijja ṯessawaȓ s lluɣa lƹibriya ṯeqqar-ayi-d: A Cawul a Cawul, mayemmi ḏayi tƹeddabeḏ? Teggeḏ am wenni iy ḏi ṯeǧa ṯɣennant isuggur-iṯ Arebbi s ṯsennant.

Ȓexḏayem 21:40

Wami iy ṯ ijja arrayes n ȓƹaskar aḏ issiweȓ, ibedd Bulus x ddruj iceyyar-asen s ifassen nnes. Niṯni sqaren, issiweȓ akiḏsen s lluɣa lƹibriya inna-asen:

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Marqus 1:14

Wami ḥebbsen Yaḥya, yuyur Ƹisa iruḥ ɣar ṯmurṯ n Ljalil itbeccar ḏinni s Lʼinjil n Arebbi.

2 Ayṯ-Kurinṯ 2:12

Fa wami d uwḍeɣ ɣar ṯendint n Traws bac aḏ beccareɣ s Lʼinjil n Lmasiḥ, ufiɣ ṯnurzem-ayi-d ijjen n ṯewwarṯ n Siḏiṯneɣ.

2 Ayṯ-Kurinṯ 11:7

Ma ḏ ȓƹib meȓa beccareɣ-kenniw s Lʼinjil n Arebbi bȓa ma ḏayi ṯxeǧsem, iƹni semzayeɣ ixef inu bac akenniw sgaƹƹḏeɣ?

1 Ayṯ-Salunik 2:8

Ammu iy nethella ḏaywem netxes-ikenniw. Nfareḥ wami ncarec akiḏwem Lʼinjil ḏ ṯuḏarṯ nneɣ minzi ṯƹizzem xaneɣ aṭṭas.

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

1 Buṭrus 4:17

Aqa ṯuweḍ-d ȓweqṯ bac aḏ ibḏa lḥisab jar ayṯbab n ṯeddarṯ n Arebbi. Meȓa aḏ ibḏa lḥisab-a jaraneɣ min ɣa iweqƹen i yinni war itṭiƹin ca i Lʼinjil n Arebbi?