Ayṯ-Kulus 3:24 - Ṯarifiṯ 2020

²⁴ Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

Ayṯ-Kulus 3:24 Referans Kwoze

Ayṯ-Ufasus 6:8

Itxeṣṣa kenniw aḏ tessnem marra ȓxir iy ɣa ṯeggem akenniw ijaza xas Siḏiṯneɣ waxxa kenniw ḏ isemɣan niɣ ḏ ayṯbab nsen.

Luqa 14:14

Ssaƹḏ nnec ƹlaḥeqqac war ɣarsen minzi c ɣa xeǧsen. Ataf aḏac itwaxȓef ḏi Nhar nni xmi d ɣa kkaren zi ȓmewṯ yinni iǧan nican."

Ayṯ-Galaṭya 1:10

Cuf, nec ma rezzuɣ ȓexxu axafi arḍan yiwḏan? Lla, rezzuɣ axafi yarḍa Arebbi! Ma nec rezzuɣ aḏasen ƹejbeɣ i yiwḏan? Lla, maƹlik ƹaḏ rezzuɣ aḏasen ƹejbeɣ i yiwḏan, ataf nec war ǧiɣ ca ḏ axeddam n Lmasiḥ.

1 Ayṯ-Kurinṯ 7:22

Liʼanna wenni tuɣa iǧan ḏ ismeɣ wami ḏas d iȓaɣa Siḏiṯneɣ, netta ȓexxu ɣares ijjen n lḥurriya zi Siḏiṯneɣ. Amenni ƹaweḏ wenni tuɣa iǧan ɣares lḥurriya, netta ȓexxu iḏweȓ ḏ ismeɣ n Siḏiṯneɣ.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Iƹibraniyen 10:35

Iḏen ejjeṯ ttiqeṯ nwem, nettaṯ aḏawem d ṯawi ijjen n lʼajar imɣar.

Ayṯ-Ufasus 6:6

Ṭaƹem-asen maci ɣir xmi ḏawem tbeddan ɣar uzeǧif waha aḏasen ṯƹejbem; Lla, aḏ tiȓim am isemɣan n Lmasiḥ aḏ teggem s ȓxaḍar nwem min ixes Arebbi.

Matta 5:46

Meȓa kenniw texsem ɣir yinni iy kenniw itexsen, man lʼajar iy ɣarwem kenniw? Ma war iǧi amenni iy teggen uȓa ḏ iƹeccaren?

Matta 5:12

Ḍeḥceṯ, farḥeṯ. Aqa ɣarwem ijjen n lʼajar ḏ ameqqran ḏeg ujenna ȓaḥeqqac amenni iy twaƹeddben lʼanbiya tuɣa iǧan qbeȓ nwem.

Yahuḏa 1:1

Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

1 Ayṯ-Kurinṯ 3:8

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

Luqa 6:35

Walakin xseṯ ȓƹaḏyan nwem, ggeṯ ḏaysen ȓxir. Reḍȓeṯ war trajaṯ walu. Uca aɣarwem yiȓi lʼajar ḏ ameqqran, aḏ tiȓim ḏ ṯarwa n Arebbi Yuƹȓan. Minzi netta ḏ aṣebḥan ak yinni war ṯ itcekkaren ca ḏ yinni iteggen ccarr.

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Matta 6:5

Xmi ɣa ṯeẓẓaǧem, war tiȓim ca am lmunafiqin iy texsen aḏ ẓẓaǧen amen bedden ḏi ṯemziḏawin ḏ ṯɣemmura n znaqi ḥima aṯen ẓren yiwḏan. Aqa tesȓam ȓḥaqq: War ɣarsen itiȓi bu lʼajar.

Ayṯ-Ruma 14:18

Wenni iy ɣa ixeḏmen i Lmasiḥ amenni, aqa Arebbi ireṭṭa xas iwḏan tcekkaren-ṯ.

Ayṯ-Ruma 1:1

Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Matta 10:41

Wenni iqebbȓen can n nnabi ȓaḥeqqac issekk-iṯ-iḏ Arebbi, ataf aɣares yiȓi lʼajar amecnaw can n nnabi. Wenni iqebbȓen can n ȓmumen ȓaḥeqqac ḏ ȓmumen, ataf aɣares yiȓi lʼajar amecnaw can n ȓmumen.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

1 Ayṯ-Kurinṯ 11:23

Cuf, nec aqa min ḏayi yuca Siḏiṯneɣ u ḏ manaya iy ḏawem d ssiwḍeɣ iƹni ḏi ǧiȓeṯ nni iy ḏi immenz Siḏiṯneɣ Ƹisa iysi-d netta aɣrum,

1 Buṭrus 1:4

Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.