Biblia Todo Logo
Bib sou entènèt

- Piblisite -




Ayṯ-Kulus 3:16 - Ṯarifiṯ 2020

16 Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

Gade chapit la Kopi




Ayṯ-Kulus 3:16
62 Referans Kwoze  

Siwȓem ag wayawya s wawaȓen n Zzabur ḏ lʼamdaḥ ḏ yizȓan ruḥiya. Ɣennjem, ggem lmusiqa i Siḏi Arebbi ḏeg wuȓawen nwem.


Meȓa ṯeqqimem ḏayi ṯeggim zeg wawaȓ inu, ataf min ma ṯettarem aɣarwem yiȓi.


Falihaḏa, lʼiman itas-d zi min netsȓa, u min ntesȓa netta ḏ awaȓ n Lmasiḥ.


Iwa arrem-d ȓbaȓ nwem bac aḏaywem iqqim min ṯesȓim zeg umezwaru. Meȓa iqqim ḏaywem awaȓ nni iy ṯesȓim zeg umezwaru, ataf uȓa ḏ kenniw aḏ teqqimem ḏi Mmis ak Arebbi Babas.


Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.


Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.


Manaya ƹlaḥsab lḥaqiqa ig izeddɣen ḏayneɣ aḏ tiȓi akiḏneɣ i ȓebda.


Aqa zi ṯemẓi nnec ṯessneḏ ƹaweḏ Ṯira iǧan Muqeddsin zemmarent ac d arrent ḏ miɣis ƹlaḥsab mamc iy ɣa ṯnejmeḏ s lʼiman nni iy iǧan ḏi Ƹisa Lmasiḥ.


X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.


Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.


Kenniw, ddehneṯ nni iy zzayes ṯqebȓem ƹaḏ aqat ḏaywem. Kenniw war ṯeḥḏijem ḥadd akenniw iseȓmeḏ, aqa ddehneṯ nnes ṯseȓmaḏ-awem marra ṯimesȓayin. Nettaṯ ḏ ṣṣaḥ maci ḏ axarriq. Iwa mammec iy kenniw ṯseȓmaḏ ddehneṯ-a, amenni itxeṣṣa aḏayes ṯƹicem ḏi netta.


U labud awaȓ nwem aḏ yiȓi ȓebda iccur s arḍa imeǧḥen s ȓemȓeḥ bac aḏ tessnem mamc ɣa ṯarrem x kur ijjen.


Iwa war tiȓim ca bȓa ȓaƹqeȓ; Lla, fehmeṯ min ixes Siḏi Arebbi.


Meȓa ḏin can yijjen jarawem itwaƹeddab, itxeṣṣa-yas aḏ iẓẓaǧ. Meȓa ḏin can yijjen jarawem ifarreḥ, itxeṣṣa-yas aḏ iɣennej i Arebbi.


Arruḥ-a ifareɣ-iṯ-iḏ xaneɣ Arebbi s yijjen n ȓxir imɣar s ufus n Ƹisa Lmasiḥ wenni iy ḏaneɣ isnejmen.


Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.


Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.


Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.


Tɣennajen s yizȓi n Musa ȓƹabḏ n Arebbi ḏ yizȓi n Yizmar qqaren: "Ȓexḏayem nnec ḏ ṯimeqqranin isḏehhacen, A Siḏi Arebbi nneɣ i kuȓci iy izemmaren. Ibriḏen nnec ḏ ȓḥaqq ḏ nican ig iǧan, Ay azeǧiḏ n ȓegnus n yiwḏan.


A ibabaṯen, nec uriɣ-awem-d ȓaḥeqqac kenniw ṯessnem wenni iy iǧan zeg umezwaru. A iƹzriyen, nec uriɣ-awem-d ȓaḥeqqac kenniw ṯjehḏem, awaȓ n Arebbi izeddeɣ ḏaywem, kenniw ṯɣeȓbem x lmufsid nni.


Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.


Walakin war ṯ twaȓam ca am ȓaƹḏu nwem; Lla, nham-ṯ am yijjen zeg wuwmaṯwem.


Iḏen, cejjƹeṯ ayawya s wawaȓen-a.


Iwa min ɣa ggeɣ? Aḏ ẓẓaǧeɣ s arruḥ inu, aḏ ẓẓaǧeɣ ƹaweḏ s ȓaƹqeȓ inu. Aḏ ɣennjeɣ s arruḥ inu, aḏ ɣennjeɣ ƹaweḏ s ȓaƹqeȓ inu.


Ɣennjen ijjen n yizȓi n Ȓƹiḏ, ssenni ffɣen ruḥen ɣar Uḏrar n Zzitun.


Ay ayṯma, nec mteyyqen belli kenniw ṯeccurem s ȓxir ḏ marra ṯusna, ṯzemmarem aḏ tesȓemḏem ayawya.


Iḏweȓ-d akiḏsen ɣar Naṣira itegg-asen array. Yemmas txemmam ḏi marra manaya ḏeg wuȓ nnes.


Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."


Tɣennajen ijjen n yizȓi ḏ jḏiḏ zzaṯ i lƹarc ḏ arbeƹa nni n lmexluqaṯ ḏ imɣaren. War izemmar uȓa ḏ ijjen aḏ iȓmeḏ izȓi nni illa ḏ miyya u arbeƹa u arbeƹin aȓaf nni iy itwasnejmen zi ddunect-a.


Zzaywem kenniw iy d iffeɣ ṣṣut n wawaȓ n Siḏiṯneɣ. Maci iffeɣ-d ḏi Masidunya ḏ Uxaya waha; Lla, iffeɣ-d ȓexbar-a x lʼiman nwem zi Arebbi ɣar yiwḏan ḏi marra imucan. X manaya war ḏaneɣ itxeṣṣi ca axas nessiweȓ minzi iwḏan tesȓan xawem.


Swiv nou:

Piblisite


Piblisite