Ayṯ-Kulus 1:9 - Ṯarifiṯ 2020

⁹ X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.

Ayṯ-Kulus 1:9 Referans Kwoze

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

Yaƹqub 1:5

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.

Ayṯ-Kulus 4:5

Ƹiceṯ s ȓefhameṯ ak yinni iǧan ɣar barra nwem war yuminen ca, staɣellam ȓweqṯ nwem mliḥ.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

1 Buṭrus 2:15

Liʼanna manaya ḏ ȓxaḍar n Arebbi iƹni meȓa ṯeggim min iǧan ḏ aṣebḥan ataf aḏ teqḍam x wawaȓen ijahȓen n iryazen nni iy ḏi ṯeǧa ṯubbuhȓiya u ṣafi.

2 Ayṯ-Salunik 1:11

X manaya ntettar i Arebbi xawem ȓebda bac akenniw yarr ṯesḏahǧem aȓaɣi nnes. U s jjheḏ nnes aḏawem yarew marra ȓxir iy ṯexsem aḏ teggem, aḏawem yarew kuȓ ȓxeḏmeṯ ƹaweḏ iy d tasen zi lʼiman nwem.

1 Ayṯ-Salunik 5:17

tettarem i Arebbi bȓa ma aḏ tbeddem,

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Ayṯ-Filippas 1:4

Kur ṯwaȓat tẓaǧiɣ xawem ḏi ṯẓaǧiṯ inu s yijjen n ȓefraḥeṯ ḏ ṯameqqrant

Filimun 1:4

Ȓebda tcekkareɣ Arebbi inu xmi tfekkareɣ ḏayec ḏi ṯẓaǧiṯ inu.

Ayṯ-Ufasus 6:6

Ṭaƹem-asen maci ɣir xmi ḏawem tbeddan ɣar uzeǧif waha aḏasen ṯƹejbem; Lla, aḏ tiȓim am isemɣan n Lmasiḥ aḏ teggem s ȓxaḍar nwem min ixes Arebbi.

Ayṯ-Ruma 12:2

War teggem ca min teggen yiwḏan ḏi ȓweqṯ-a ṯanita. Itxeṣṣa aɣarwem yiȓi ijjen n ȓaƹqeȓ ḏ jḏiḏ ḥima aḏ twabeddȓem, ssenni aḏ tessnem kenniw min ixes Arebbi, iƹni min iṣebḥan ḏ min ḏas iteƹjiben war ḏayes bu uxeṭṭi.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

1 Yuḥanna 2:17

Ddunect-a aqa ṯƹeddu-d akiḏes ccehawaṯ nnes, walakin wenni iteggen ȓxaḍar n Arebbi aḏ iqqim iddar i ȓebda n ȓebdaṯ.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

Ayṯ-Ufasus 5:17

Iwa war tiȓim ca bȓa ȓaƹqeȓ; Lla, fehmeṯ min ixes Siḏi Arebbi.

Ayṯ-Ufasus 5:10

Meyyzeṯ ƹaweḏ min ḏas iteƹjiben i Siḏi Arebbi.

Ayṯ-Ufasus 1:8

Arḍa-ya ifareɣ-aneɣ-ṯ-iḏ Siḏi Arebbi s marra ȓefhameṯ ḏ ṯusna nnes.

Yuḥanna 7:17

Wenni ixsen aḏ igg zi min ixes Arebbi ataf aḏ issen aseȓmeḏ-a inu ma zzayi niɣ zi Arebbi.

1 Ayṯ-Kurinṯ 1:5

Zi netta, itwarni-yawem ȓxir ḏi kuȓci, iƹni ḏi marra awaȓen ḏ ṯusna.

Ȓexḏayem 12:5

Tƹessasen x Buṭrus ḏi ȓeḥbes, jmaƹeṯ n ȓmuminin tettaren xas i Arebbi.

Filimun 1:6

Tettareɣ i Arebbi x ṯemƹacarṯ nneɣ ḏi lʼiman ac ṯawi ɣar yijjen n ȓefhameṯ ṯekmaȓ x kuȓ ṯamesȓayṯ ṯaṣebḥant ig iǧan ɣarneɣ ḏi Lmasiḥ.