Ayṯ-Kulus 1:29 - Ṯarifiṯ 2020

²⁹ X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

Ayṯ-Kulus 1:29 Referans Kwoze

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

Ayṯ-Ufasus 1:19

ḏ min iƹna jjheḏ nnes imɣaren bȓa ȓeqyas ɣar neccin iy yumnen. Jjheḏ-a am wenni ig isexḏem Arebbi s lquwwa nnes

Ayṯ-Ufasus 3:7

Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

Ayṯ-Filippas 2:13

Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

Ayṯ-Kulus 2:1

Cuf, xseɣ aḏ tessnem mecḥaȓ taḥȓeɣ ḏi ȓxeḏmeṯ-a ƹlaḥsab kenniw ḏ yinni iǧan ḏi ṯendint n Lawdukya ḏ marra yinni ƹemmarṣ ma ẓȓin aɣembub inu.

2 Ayṯ-Salunik 3:8

War necci bu uɣrum ak ḥadd baṭeȓ. Lla, nxeddem ǧiȓeṯ ḏ nhar, neccaṯ tamara nrebbeȓ bac war netbessiȓ x ḥadd zzaywem.

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

1 Ayṯ-Kurinṯ 12:11

Marra ṯimesȓayin-a ṯina twasxeddament s ufus n yijjen n Arruḥ wanita. Ifareq-iṯent i kuȓ ijjen waḥḏes mammec ixes netta.

Ayṯ-Ruma 15:20

U nec rezzuɣ aḏ tbeccareɣ ȓebda s Lʼinjil ḏi ṯmura mani war xas tesȓin ca x Lmasiḥ bac war benniɣ ca x ca n dsas ig igga ḥadd nneɣni.

Lwaḥi 2:3

Ṯeṣbareḏ, ṯeysiḏ tamara ƹlaḥsab isem inu bȓa ma aḏ taḥȓeḏ.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

Ayṯ-Filippas 1:30

Minzi kenniw tmenɣam ḏeg umenɣi nni iy ḏi tuɣa tmenɣiɣ nec u ƹaḏ tesȓim belli tmenɣiɣ ḏayes.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Ufasus 3:20

Iwa Siḏi Arebbi ḏ netta iy izemmaren aḏ igg aṭṭas s waṭṭas zi min ḏas ntettar niɣ ḏ min netxeyyal ƹlaḥsab jjheḏ nnes iy ixeddmen ḏayneɣ.

2 Ayṯ-Kurinṯ 13:3

Mayemmi? Liʼanna ṯrezzum ddalil Lmasiḥ issawaȓ zzayi. Ma iḍƹef netta ḏi ȓwesṭ nwem? Lla, ijheḏ jarawem.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 6:5

neccin tmarraṯen-aneɣ, tḥebbasen-aneɣ, teggen-aneɣ ȓfawḍa; neccin neccaṯ tamara, neqqim ḏi ǧiyaȓi bȓa iḍeṣ, neǧuz.

2 Ayṯ-Kurinṯ 5:9

X manayenni mixef nrezzu? Nrezzu axas narḍa waxxa nzeddeɣ ḏi ddat-a n ddunect-a niɣ ntaggwaj zzayes.

1 Ayṯ-Kurinṯ 12:6

Ḏinni lʼanwaƹ n ȓexḏayem, walakin Arebbi ḏ ijjen ḏ netta iy ṯent isxeddamen marra ḏi kuȓ bnaḏem.

Ayṯ-Ruma 15:30

Fa tettareɣ zzaywem ay ayṯma, s Siḏiṯneɣ Ƹisa Lmasiḥ ḏ ȓemḥibbeṯ n Arruḥ n Arebbi aḏ tbeddem akiḏi s ṯẓaǧiṯ nwem ɣar Arebbi s ssabab inu.

Luqa 13:24

"Ggeṯ mamc ɣa ṯaḏfem zi ṯewwarṯ iḥṣaren. Aḏawem iniɣ: Aṭṭas n yiwḏan ataf aḏ rzun aḏ aḏfen walakin war zemmaren.

Iƹibraniyen 12:4

Wami ṯmenɣem ḍed i ȓmuƹṣiyeṯ, war ṯƹirrḍem ca bac aḏ azzȓen iḏammen nwem lla.

Ayṯ-Kulus 2:12

Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.