Ayṯ-Kulus 1:27 - Ṯarifiṯ 2020

²⁷ Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 1:27 Referans Kwoze

Yuḥanna 14:20

Ḏi nhar nni aḏ tessnem belli nec aqayi ḏi Baba, kenniw ḏayi, nec ḏaywem.

Ayṯ-Ruma 8:10

Ṯumma Lmasiḥ meȓa aqaṯ ḏaywem, ddat nwem waxxa ṯemmuṯ s ssabab n ȓmuƹṣiyeṯ, arruḥ nwem iddar s ssabab n ṣṣulḥ.

1 Yuḥanna 4:4

Kenniw a iḥenjiren, zi Arebbi iy ṯeǧam. Iṯarrasen-a ṯɣeȓbem-ṯen ȓaḥeqqac wenni iǧan ḏaywem imɣar x wenni iǧan ḏi ddunect-a.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

Lwaḥi 3:20

Qa nec beddeɣ zzaṯ i ṯewwarṯ sqerqubeɣ. Meȓa isȓa can yijjen i ṯmijja inu qa aḏ irzem ṯawwarṯ, ataf aɣares aḏfeɣ akiḏes cceɣ akiḏi icc.

Yuḥanna 14:17

Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Ayṯ-Galaṭya 4:19

A ṯarwa inu, kessiɣ xawem ijjen n umnus ƹaweḏ amecnaw ȓeḥriq n ṯarwa ḥetta aȓ d ixȓeq Lmasiḥ ḏaywem!

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

1 Timutawus 1:1

Nec ḏ Bulus ḏ arrasul n Ƹisa Lmasiḥ s lʼamar n Arebbi wenni iy ḏaneɣ isenajmen ḏ Ƹisa Lmasiḥ netta ḏ lʼamal nneɣ.

Ayṯ-Kulus 2:3

Ḏayes ḏi netta iy twasnuffaren marra ȓkunuz n ȓefhameṯ ḏ marra ȓkunuz n ṯusna.

Yuḥanna 14:23

Inna-as Ƹisa: "Wenni ḏayi itḥibban, ataf aḏ ixḏem zeg wawaȓ inu. Aṯ iḥibb Baba, a nraḥ ɣares nec ḏ Baba, ɣares iy ɣa nezḏeɣ.

2 Ayṯ-Kurinṯ 6:16

Min ṯcarrec ṯemziḏa ṯameqqrant n Arebbi ak lʼaṣnam? Walu. Cuf, neccin iy iǧan ḏ ṯamziḏa n Arebbi iddaren. Amenni iqqar Arebbi:

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Yuḥanna 17:26

Nec sbeyyneɣ-asen-d isem nnec u ƹaḏ aṯ sbeyyneɣ ḥima aḏaysen ṯiȓi ȓemḥibbeṯ nni iy zi ḏayi tḥibbiḏ, aḏaysen iȓiɣ nec s yixef inu."

Ayṯ-Ufasus 2:22

Ḏayes ƹaweḏ ḏi Lmasiḥ ibenna-kenniw ijjen ak unneɣni bac aḏ tiȓim ḏ ijjen n ṯzeddiɣṯ ḏayes iy ɣa izḏeɣ Arebbi s Arruḥ nnes.

Yuḥanna 6:56

Marra wenni ɣa iccen ddat inu aḏ isew iḏammen inu, ataf aḏ iqqim ḏayi, nec ḏayes.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Filippas 4:19

Aqa Arebbi inu aḏawem yuc qaƹ min ṯeḥḏajem ƹlaḥsab agȓa nnes lƹaḍim ḏi Ƹisa Lmasiḥ.

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Luqa 17:21

Lla, ataf iwḏan war qqaren ca qa xzareṯ aqaṯ ḏiha niɣ aqaṯ ḏa! Mayemmi? Ataf ȓmulk n Arebbi aqaṯ ḏaywem."

Matta 13:11

Indeq-d Ƹisa inna-asen: "Itwasmeḥ i kenniw aḏ tessnem min inuffaren ḏi ȓmulk ujenna. Walakin niṯni lla, war ḏasen itwasmiḥ ca.

2 Ayṯ-Kurinṯ 2:14

Walakin a neḥmeḏ Arebbi. Netta ȓebda isuggur-aneɣ ḏeg ubriḏ n arbaḥ s Lmasiḥ u zzayneɣ neccin itentacar ȓefwaḥ n ṯusna x Lmasiḥ.

Ayṯ-Ruma 11:33

Mecḥaȓ imɣar wagȓa n ȓefhameṯ ḏ ṯusna n Arebbi! War twacerrḥen lʼaḥkam nnes, war twafehhmen ibriḏen nnes.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Iƹibraniyen 6:19

Lʼamal-a itiȓi ɣarneɣ am yijjen n uȓiyzim n uɣarrabu n ȓaƹmar nneɣ, irseq s jjheḏ war iḍeǧeq. Yuḏef lʼamal-a iƹḏu ɣar ḏeffar n arrwaq n Uxxam Amqeddes Aṭṭas.